Katedralo de Bamberg

Katedralo de Bamberg
Sanktaj Petro kaj Georgo
	Panorama vidaĵo de la katedralo de Bamberg [+] Panorama vidaĵo de la katedralo de Bamberg [+]
katolika katedralo [+]
Ŝtato	Germanio
Federacia lando	Bavario
Koordinatoj	49° 53′ 27″ N, 10° 52′ 57″ O (mapo)49.89070310.882533Koordinatoj: 49° 53′ 27″ N, 10° 52′ 57″ O (mapo) [+]
Stilo	Romanika
Estiĝo	1004
Konsekro	1237
Publiko	publike alirebla
Loko de Monda heredaĵo de UNESCO
Nomo	Historia centro de Bamberg
Jaro	1993 (17)
Numero	624
Regiono	Eŭropo
Kriterioj	ii, iv
Religio	Kristianismo
Rito	Romkatolika eklezio
Statuso	Katedralo
Vidu situon en urbo Bamberg
Vidu situon en regiono Bavario
Vidu situon de katedralo Bamberg en Germanio
	Katedralo de Bamberg
	Vikimedia Komunejo: Bamberg Cathedral [+]
	En TTT: Oficiala retejo [+]
	v • d • r

La romanika katedralo de Bamberg Sankta Petro kaj Sankta Georgo apartenas al la germanaj imperiestro-katedraloj kaj estas per siaj kvar turoj la superrega konstruaĵo de la monda heredaĵo historia urbocentro de Bamberg. En la interno troviĝas fama rajdantostatuo, la tombejo de la ununuraj sanktigitaj geimperiestroj de la Sankta Romia Imperio same kiel la unua papotombo en Germanujo kaj entute norde de la Alpoj. Krom la tri pilgrimbazilikoj de Marienweiher, Vierzehnheiligen kaj Gößweinstein la katedralo de Bamberg estas la kvara basilica minor de la ĉefepiskopujo de Bamberg.

Historio

Ekde proksimume 600 p.K. koloniado de la katedrala monto
En 902 estis dokumentata fortikaĵo „Babenburg“, el kiu poste evoluos la nomo „Bamberg“
En 1004 imperiestro Henriko la 2-a metis la simbolan unuan fundamentan ŝtonon de la katedralo
En 1007 Bamberg fariĝis episkopejo
En 1012 oni konsekris la unuan katedralon
En 1020 unua mencio pri katedrala ĥoro; en 1256 papo Aleksandro la 4-a oficiale konfirmis la katedralan ĥoron
En 1046 la dua episkopo „Suidger“ papiĝis kiel Klemento la 2-a; lia tombo en la katedralo de Bamberg estas la ununura konserviĝinta papotombejo norde de a alpoj
En 1081 okazis brulego en la katedralo
En 1087 provizora rekonstruo
En 1185 denova brulego kaj malkonstruo
En 1237 oni konsekris novan katedralon
En 1415 mencio de la unua katedralorgeno; la nuna katedralorgeno devenas el la jaro 1976
En 1611 komenco de la barokigo; daŭrigata post la Tridekjara Milito
En 1803 sekularigo kaj malfondo de ekleziaj bienoj kaj teritorioj
En 1818 Bamberg fariĝis ĉefepiskopejo: al la eklezia provinco apartenas krom Bamberg la episkopujoj Eichstätt, Spiro kaj Würzburg
En 1829 komenco de stila purigo laŭ iniciato de la bavara reĝo Ludoviko la 1-a