Konrad Gramelspacher
| Konrad Gramelspacher | |
|---|---|
| Persona informo | |
| Lingvoj | Esperanto |
| Ŝtataneco | Germanio 
|
| Okupo | |
| Okupo | ekonomikisto esperantisto
|
Konrad GRAMELSPACHER estas germana esperantisto kaj ekonomikisto, loĝanta en Staufen, Baden-Virtembergo. Li ekde la 1980-aj jaroj aktivas en la regiona Esperanto-asocio BAVELO kaj estas engaĝita honorofica kunlaboranto de la sendependa regiona radia projekto Radio Dreyecksland ("triangula lando", aludanta al la limregiono de Germanio, Francio kaj Svislando inter la urboj Frajburgo kaj Bazelo). Kadre de la projekto Rettet die Erinnerung - Sekurigu la rememoron li intervjuis multajn veteranajn esperantistojn de la regiono kaj konservis aparte raportojn pri malfacilaj travivaĵoj en- kaj post-militaj. Li nome de la partieto Eŭropo - Demokratio - Esperanto (EDE) kandidatis en la eŭropaj balotoj 2009 kaj en la eŭropaj balotoj 2014, kaj (laŭ la stato de 2016) ekde pluraj jaroj funkcias kiel prezidanto de la germania sekcio de la partio.[1] Interalie li prelegis esperantlingve en la jubilea Germana Esperanto-Kongreso de 2023.[2] Krome li ekde pluraj jaroj aktivas kiel redaktoro de la germanlingva regiona gazeto Badische Zeitung.[3]
Eksteraj ligiloj
[redakti | redakti fonton]- 80-sekunda filmeto en la nacia germania televido ARD pri lia kandidatiĝo nome de la partieto EDE en la eŭropa baloto 2009 (germane kaj esperante)
Fontoj
[redakti | redakti fonton]- ↑ listo de estraranoj kaj parlamentaj kandidatoj en la retejo de la partio EDE, vidita en novembro 2016. Arkivita el la originalo je 2016-11-24. Alirita 2016-11-23 .
- ↑ programo de la jubilea Germana Esperanto-Kongreso de 2023, kun foto de li (esperante)
- ↑ jen iuj aktualaj artikoloj de li el la germanlingva regiona gazeto Badische Zeitung