Krepo

Tiu ĉi artikolo temas pri la ŝtofo krepo. Pri la ovaĵa plado nomata krespo aŭ patkuko vidu la artikolon patkuko. En la franca lingvo (crêpe) kaj en iuj pliaj naciaj lingvoj ambaŭ fenomenoj havas la saman nomon.

Krepo laŭ esperantlingvaj vortaroj kiel PIV aŭ Reta Vortaro estas specifa delikata ŝtofo, do teksaĵo por aparta uzo, el lano aŭ silko. Temas pri materialo pli-malpli travidebla kaj kun krispa surfaco, prezentanta multajn faldetojn kaj ondetojn senordajn.