Mallonga filmo
Mallonga filmo aŭ neologisme kurtmetraĵo[1] aŭ kurtfilmo[2] (angle short film, france court métrage, germane Kurzfilm ktp.) difiniĝas en kontrasto al longa kineja filmo nur per sia mallongeco, kaj povas aparteni al ĉiu ajn filma genro. Ĝia daŭro kutime difiniĝas esti malpli ol 30 minutoj, sed ekzistas iom malsamaj kategoriigoj: la Akademio de la Kinematografiaj Artoj kaj Sciencoj (Academy of Motion Picture Arts and Sciences) en Usono, kiu atribuas la Oskar-premiojn, difinas daŭron de malpli ol 40 minutoj. La internacia filmfestivalo Berlinale fiksas la maksimuman longon de mallonga filmo laŭ premia kategorio je inter 15 kaj 30 minutoj. La germana mallongfilma premio (germane Deutscher Kurzfilmpreis) havas kategorion de ĝis 7 minutoj kaj plian ĝis 30 minutoj, kaj la "leĝo pri subteno de filmoj" en Germanio difinas ke mallongaj filmoj ŝtate subvencieblaj daŭru minimume 1 kaj maksimume 15 minutojn.
En kina ĵargono, "filmeto" - kvankam el pure gramatika vidpunkto ŝajne preskaŭ samsenca - estas io alia: Filmeto estu produktaĵo de malpli ol kvin minutoj el filma sceno aŭ pluraj kunmetitaj filmaj scenetoj, aŭ elprenita el pli longa filmo aŭ filmita aparte por la filmeto, sen kinfilma dramaturgio - dum mallonga kaj longa filmoj ambaŭ havu strukturon kompareblan al teatraĵo, havu dramaturgion de komenco ĝis fino, kaj nur diferenciĝu en sia daŭro.
En la franca La Ciotat (suda Francio) okazas festivalon kiu nomiĝas Best of International Short Films Festival dum kiu videblas la plej bonaj kurtmetraĵoj kiuj jam estis premiitaj en aliaj festivaloj[3].
En Esperanto aperis
[redakti | redakti fonton]Esperanto-USA okazigas ĉiujaran konkurson por mallongaj filmoj, La Usona Bona Film-Festivalo. Ĝi jam produktas pli ol 175 filmojn en Esperanto kaj donas pli ol 16000 usonajn dolarojn al filmistoj. Ĉiu filmo devas esti malpli ol 5 minutojn longa kaj la tuta filmaro estas spektebla en JuTubo. [4]
”Patrinoj” (2025) duonhora esperantlingva kontraŭmilita filmo de Finnlando. Reĝisorita de Anna Andersson [5]
Vidu ankaŭ
[redakti | redakti fonton]Referencoj
[redakti | redakti fonton]- ↑ Kvankam citaĵo de vikia projekto estas malforta referenco, ĉar daŭre prilaborebla, jen kiel ekzemplo de uzo de la neologisme kurtmetraĵo teksto de la retejo eo.uncyclopedia.info (esperante). Alia ekzemplo estas la artikolo Literatura Foiro, n-ro 308, decembro 2020 notita pli sube (esperante).
- ↑ Ekzemple, jen referenco al Esperanto-kurtfilmkonkurso (germane kaj esperante).
- ↑ Renée Triolle, Marc Chaminade, Festivalo pri kurtmetraĵoj, Literatura Foiro, n-ro 308, decembro 2020, paĝoj 354-357 (esperante)
- ↑ Libera Folio: Ne nur en Finnlando aperas filmoj en Esperanto, la 18an de novembro 2024
- ↑ Libera Folio: En Finnlando aperas profesia filmo en Esperanto, la 12an de novembro 2024
