Lóránt Czigány
| Lóránt Czigány | |
|---|---|
| Persona informo | |
| Naskiĝo | 3-an de junio 1935 en Sátoraljaújhely |
| Morto | 8-an de novembro 2008 (73-jaraĝa) |
| Tombo | Tombejo Farkasrét 
|
| Lingvoj | angla • hungara |
| Ŝtataneco | Unuiĝinta Reĝlando (Britio)
|
| Familio | |
| Edz(in)o | Magda Salacz
|
| Okupo | |
| Okupo | verkisto diplomato lektoro literaturhistoriisto bibliotekisto
|
Lóránt Czigány [cigAnj], laŭ la hungarlingve kutima nomordo Czigány Lóránt, estis hungara bibliotekisto, literaturhistoriisto, kritikisto, altlerneja instruisto. Lia edzino estis Magda Salacz, liaj pseŭdonimoj estis: Girnóczy Antal; C-T; Cz. L.; Pandák Éva; Varjú Csaba.
Lóránt Czigány[1] naskiĝis la 3-an de junio 1935 en Sátoraljaújhely, li mortis la 8-an de novembro 2008 en Budapeŝto.
Biografio
[redakti | redakti fonton]Lóránt Czigány maturiĝis en gimnazio en sia naskiĝurbo en 1954, poste li studis en Scienca Universitato de Szeged ĝis la hungara revolucio de 1956, poste li disidis al Londono. Li plulernis en Universitato de Oksfordo kaj Universitato de Londono, en la lasta li akiris bakalaŭron en 1960, post 5 jaroj sciencan gradon Ph.D.. Tiutempe li helpis hungarlingvajn dissendojn de Radio Libera Eŭropo kaj BBC, krome li kontribuis en The Times. Inter 1962–1969 li estis bibliotekisto en hungara branĉo de Brita Muzeo, inter 1969–1973 li instruis la hungaran lingvon en Universitato de Kalifornio en Berkelio, inter 1973-1978 li havis statuson en Usona Konsilio de Erudiciaj Societoj. Reveninta al Londono li vivtenis sin el siaj kontribuoj, krome li havis statuson en Universitato de Londono. Depost fino de la socialismo en Hungario li estis hungara diplomato en Londono (1990–1994), eĉ pli frue ekde 1986 li instruis en hungaraj universitatoj. Li doktoriĝis en 1998 antaŭ la Hungara Scienca Akademio. Li edziĝis en 1957, post jaro filino naskiĝis. Li ricevis hungarajn premiojn inter 1981-2003.
Elektitaj kontribuoj
[redakti | redakti fonton]- The Reception of Hungarian Literature in Great Britain from John Browring’s Poetry of the Magyars to the Novels of Jókai. (disertaĵo, 1965)
- A magyar irodalom fogadtatása a viktoriánus Angliában 1830–1914. (monografieto, tradukita kaj tralaborita el la disertaĵo, 1976)
- The Oxford History of Hungarian Literature. From the Earliest Times to the Present. (monografio, 1984; 2-a plibonigita eldono: 1986)
- Gyökértelen, mint a zászló nyele. Írások a nyugati magyar irodalomról. (1994)
- A nyugati magyar irodalom mibenléte. (disertaĵo, 1997)
- Irodalom kényszerzubbonyban. (elektitaj studoj, 2006)
- Homo politicus. Szabó Zoltán halálára. (2014)
