Bassecourt
|
Por samtitola artikolo vidu la paĝon Bassecourt (stacidomo). |
| Bassecourt | |
|---|---|
 | |
| Blazono de Bassecourt | |
 | |
| Kapelo Sankta Huberto en Bassecourt | |
| vilaĝo • former municipality of Switzerland • kvartalo • statistika regiono | |
| Kantono | Ĵuraso |
| Komunumo(j) | Haute-Sorne |
| Geografia situo | CH1903: 584488 / 244370 (mapo)47.357.2333333333333Koordinatoj: 47° 21′ N, 7° 14′ O; CH1903: 584488 / 244370 (mapo) |
|
| |
| Nombro de loĝantoj | 3383 |
| Areo | 15,57 km² |
| Alteco | 477 m super marnivelo |
| Poŝtkodo | 2854 |
 | |
| Situa mapo de Basscourt | |
Bassecourt (prononcu baskur) estis ĝis fino de 2012 komunumo kaj ekde la 1-a de januaro parto de la nova komunumo Haute-Sorne en la Distrikto Delemonto en Kantono Ĵuraso, Svislando. Ĝi havis 3383 loĝantojn je la 31-a de decembro 2009.
Geografio
[redakti | redakti fonton]Bassecourt etendiĝas ambaŭflanke de la rivero Sorne, alfluanto de Birs en la okcidenta parto de la Baseno de Delemonto, tio estas larĝa kaldrono en la Falda Ĵuraso. Al la komunumo Bassecourt apartenas krom la ĉefvilaĝo Bassecourt mem ankaŭ la vilaĝetoj Berlincourt kaj La Jacoterie kaj krome multnombraj izolitaj bienoj.
La teritorio de la komunumo etendiĝas sur areo de 15,57 km², de kiuj 50% estas kovritaj de arbaro, 39% servas por agrikulturo kaj 10% por setlado.
Iamaj najbaraj komunumoj
[redakti | redakti fonton]La iama komunumo Bassecourt limis ĝis la fino de 2012 en nordoriento al Develier, en oriento al Courfaivre, en sudo al Undervelier, en sudokcidento al Glovelier, kaj en nordokcidento al Boécourt.
Trafiko
[redakti | redakti fonton]Bassecourt situas ĉe la trajnlinio de Svisaj Federaciaj Fervojoj de Porrentruy tra Delemonto al Bazelo. Tra la komunumo pasas la kantona ĉefvojo n-ro 6 kaj ĝi disponas pri propra alveturejo al la svisa aŭtovojo A16.
Historio
[redakti | redakti fonton]La unua dokumenta mencio de Bassecourt datiĝas el la jaro 1160 kiel Baressicort.[1]
Kiel unu de la 13 liberaj vilaĝoj de la regno Delemonto Bassecourt fariĝis en la jaro 1271 havaĵo de la Princepiskopejo Bazelo. Post la Franca Revolucio de 1792 dum unu jaro la vilaĝo apartenis al la Raŭraka Respubliko por poste aparteni de 1793 ĝis 1815 al Francio, unue kiel parto de la departemento Mont-Terrible kaj poste de la departemento Haut-Rhin. En la jaro 1815 la Viena Kongreso atribuis la regionon al la svisa Kantono Berno. Ekde la 1-a de januaro 1979 Bassecourt apartenas al la nove fondita Kantono Ĵuraso.
Kun efiko de la 1-a de januaro 2013 la iamaj komunumoj Bassecourt, Courfaivre, Glovelier, Soulce kaj Undervelier estis kunigitaj al la nova komunumo Haute-Sorne kaj ĉesis do ekzisti kiel aŭtonomaj komunumoj.
Notoj kaj referencoj
[redakti | redakti fonton]Vidu ankaŭ
[redakti | redakti fonton]Eksteraj ligiloj
[redakti | redakti fonton]Bildoj
[redakti | redakti fonton]-
Preĝejo de Berlincourt -
Interno de la kapelo Sankta Huberto -
Puto antaŭ la kapelo Sankta Huberto -
Lernejo de Bassecourt
_022.JPG)
| ||||||
