La cabeza del cordero
| La cabeza del cordero | |
|---|---|
| |
| literatura verko | |
| Aŭtoroj | |
| Aŭtoro | Francisco Ayala |
| Lingvoj | |
| Eldonado | |
La cabeza del cordero (Ŝafkapo) estas novelaro de la hispana verkisto Francisco Ayala, publikigita en 1949. Ĝi estas inkludita en la listo de la 100 plej bonaj romanoj en hispana lingvo de la 20-a jarcento farita de la hispana ĵurnalo El Mundo.[1]
La verko publikiĝis en 1949 en Bonaero fare de la eldonejo Losada. La kvar noveloj kiuj komponas la novelaron – nome “El mensaje”, “El Tajo”, “El regreso” kaj “La cabeza del cordero” – temas pri la Hispana Enlanda Milito kaj ties konsekvencoj. En la eldono de 1962 oni aldonis kvinan rakonton: nome “La vida por la opinión”.
Intrigo
[redakti | redakti fonton]
El mensaje (La mesaĝo)
[redakti | redakti fonton]Roque, komercvojaĝisto, vizitas sian kuzon Severiano, kiu petas lian helpon por deĉifri manuskripton.
El Tajo
[redakti | redakti fonton]En la fronto de Aragono dum la milito la leŭtenanto Santolalla mortigas milicanon. Post la militfino, li decidas viziti la familion de la mortinto.
El regreso (La reveno)
[redakti | redakti fonton]Jarojn post la militfino, ekzilito en Bonaero revenas al Galegio, kie li malkovras, ke dum la milito li estis denoncita de amiko.
La cabeza del cordero (La ŝafa kapo)
[redakti | redakti fonton]La komercisto José Torres trafas en Fez parencojn kiujn li ne konis, kiuj invitas lin al vespermanĝo. En Maroko ŝafkapo estas delikataĵo, sed por hispanoj eble ne, almenaŭ por la protagonisto, kiun el la kapo rigardas la okuloj de la mortinta ŝafo.
La vida por la opinión (La vivo por la idearo)
[redakti | redakti fonton]Sevila profesoro pasigas naŭ jarojn kaŝita hejne pro timo al reprezalioj kaj subpremado pro sia pasinteco de respublikano. En tiu rakonto oni traktas por la unua fojo en la hispana literaturo la figuron de la talpoj, nome kaŝitoj dum jaroj en aparta hejma kaŝejo dum la frankisma diktaturo, kion oni ekkonis el la 1970-aj jaroj.
Referencoj
[redakti | redakti fonton]Bibliografio
[redakti | redakti fonton]- Ayala, Francisco (1978). La cabeza del cordero. Eldono de Rosario Hiriart. Madrid: Cátedra.
- Ellis, Keith (1964). El arte narrativo de Francisco Ayala. Madrid: Gredos.
- Irizarry, Estelle (1971). Teoría y creación literaria en Francisco Ayala. Madrid: Gredos.
- Larraz, Fernando (2009). “El pasado y la memoria como fuentes de moral en La cabeza del cordero, de Francisco Ayala”, en Península. Revista de Estudios Ibéricos, 6, pp. 163-172.
- En tiu ĉi artikolo estas uzita traduko de teksto el la artikolo La cabeza del cordero en la hispana Vikipedio.