La saga/fuga de J. B.
| La saga/fuga de J. B. | |
|---|---|
| literatura verko | |
| Aŭtoroj | |
| Aŭtoro | Gonzalo Torrente Ballester |
| Lingvoj | |
| Eldonado | |
| Eldondato | 1972 |
| Loko de rakonto | Pontevedro |
| Honorigoj | Castilian Narrative Critic Award |
La saga/fuga de J. B. (La sagao/fugo de J. B.) estas romano de Gonzalo Torrente Ballester publikigita en 1972.
Ĝi estas inkludita en la listo de la 100 plej bonaj romanoj en hispana lingvo de la 20-a jarcento farita de la hispana ĵurnalo El Mundo.[1]
Intrigo
[redakti | redakti fonton]En Castroforte del Baralla, fikcia urbeto de Galegio, eble inspirita en Pontevedro, malaperas la relikvo de la Sankta Korpo, kio rompas la lokan trankvilecon. Ĉiuj sciis, ke iam malaperos la korpo, kaj tiam ĉio rekomencos. La aŭtoro uzas José Bastida (rolulo kiu komencas la liston de siaj literaturaj heteronimoj, nome ĉiuj J.B.) por malfermi la jarmilan historion de tiu urbeto ekde antaŭ la apero de la relikvo ĝis la aktualo. José Bastida estas profesoro de gramatiko, sed aliaj J.B. estas episkopo de la 17-a jarcento, sorĉisto de la 18-a, admiralo de komenco de la 19-a, poeto de fino de la 19-a, fakulo pri gramatiko dum la hispana enlanda milito kaj ĝis tri JB en la aktualo, kiuj en diversaj epokoj frontis similajn situaciojn kiuj ripetiĝas kvankam kun kelkaj variaĵoj, en kiuj ili klopodis por savi Castroforte del Barralla de la malicaj intencinj de la apuda loĝloko, nome Villasanta de la Estrella.
Referencoj
[redakti | redakti fonton]- En tiu ĉi artikolo estas uzita traduko de teksto el la artikolo La saga/fuga de J. B. en la hispana Vikipedio.