Laura Pausini
| Laura Pausini | |
|---|---|
.jpg) Laura Pausini 19 - Bercy - Aprilo 2012
| |
| Bazaj informoj | |
| Naskiĝo | 16-an de majo 1974 (50-jaraĝa) en Faenza |
| Ĝenroj | Latina popmuziko, soft-rokmuziko, Popmuziko |
| Profesio | kantistino |
| Instrumentoj | voĉa muziko |
| Aktivaj jaroj | 1993 – nuntempo |
| Eldoninto | Warner Music Group, Atlantic |
| Retejo | www.laurapausini.com |
| |
| Persona informo | |
| Lingvoj | itala • hispana • angla |
| Ŝtataneco | Italio 
|
Subskribo 
| |
| Familio | |
| Patro | Fabrizio Pausini (en) 
|
| Okupo | |
| Okupo | kantisto diskografa artisto
|
| TTT | |
| Retejo | https://laurapausini.com |
Laura PAUSINI (naskiĝis la 16-an de majo 1974 en Solarolo (Raveno, Italio)) estas itala kantistino.
Ŝi estas konata pro la baladoj pri amo sed ŝi kantis ankaŭ pri la malriĉeco, mizero, milito, rasismo kaj aliaj sociaj aferoj. Konata ne nur en Italio sed ankaŭ en multaj eŭropaj landoj, Usono kaj Latinameriko. Ŝi kantis/as en la itala, hispana, portugala, angla kaj ĵuse en la franca, kun Hélène Ségara kaj Johnny Hallyday, version de ŝia kanzono "Io canto" - Je chante - (Mi kantas).
Biografio
[redakti | redakti fonton]Laura Pausini naskiĝis la 16-an de majo 1974 en Solarolo, provinco Raveno, Italio, kie ŝi kreskis. Laura rakontas ke kiam ŝia patrino, Gianna, estis graveda de ŝi, ŝia patro Fabrizio kutime aŭskultigis muzikon al ŝi ĉar li arde deziris ke ŝi iĝu kantisto kiel ankaŭ li estas.
La patro de Laura estas muzikisto kaj kantisto, ŝia patrino estas infana instruistino kaj Silvia, ŝia fratino, du jarojn malpli aĝa ol ŝi, estas konsiderata de ŝi kiel la persono plej grava en ŝia vivo.
Kiam Laura 8-jariĝis ŝia patro demandis al ŝi kion ŝi volas kiel donacaĵon kaj ŝi respondis: "Mi volas kanti kun vi". Dum tiu tempo Fabrizio estis la plej grava kaj sola instruisto ĉar ŝi neniam ĉeestis lecionojn pri kantado.
We are the World (Ni estas la mondo) estis la unua kanzono kiun ŝi kantis. Tial ĝi estas tre speciala por ŝi. Ŝia patro tradukis ĝin en la italan ĉar Laura estis malgranda kaj ne komprenis la lingvon.
En la aĝo de 12 jaroj, Laura kantis unuafoje sola ĉe restoracio enBolonjo kaj je tiu ĉi aĝo mem, surbendigis sian unuan diskon kun la helpo de sia patro. En tiu ĉi aĝo Laura komponis sian unuan kanzonon "Lasciarmi dormire" (Lasi min dormi)
Dum la adoleskanteco Laura daŭre kantis kaj ludis kun la patro sed en 1991 li listigis ŝin en la konkurso Castrocaro. Laura timis partopreni sed tion ŝi faris kaj kvankam en tiu okazo ŝi ne sukcesis, ŝi konis Marco Maratti-n kaj Angelo Vasiglio-n kaj surbendigis kun ili "La soletà" (La soleco).
En 1993, Laŭra Paŭsini konkursis en la Festivalo de San-Remo, Italio kie ŝi gajnis la unuan premion per 7 464 voĉdonoj; de tiam ŝi estis konata en la tuta Italio.
En 1994 ŝi lanĉis sian unuan diskon en la hispana lingvo konsistantan el hispanigita kompilaĵo de italaj kanzonoj de ŝiaj du antaŭaj KD-oj. Tiu ĉi disko disfamigis ŝin en la hispanlingvaj landoj kaj nur en Hispanio ŝi vendis pli ol unu miliono da diskoj.
En 1996 Laura Pausini vendis 350 000 diskojn. Post la diskoj de grandaj sukcesoj de la jaro 2001 ŝi intencis triumfi en la usona merkato per la anglalingva albumo "From the Inside", sed ĝi ne havis la sukceson atenditan de la publiko.
Dum 15 jaroj de ŝia artista kariero Laura Pausini vendis pli ol 40 milionoj da diskoj kaj gajnis pli ol 180 platinaj diskoj, multaj el oro kaj unu el diamanto.
En 2005 ŝi gajnis la premion Grammy, Grammy Latino en la kategorio: Plej Bona Albumo per sia albumo "Escucha" (Aŭskultu).
En oktobro 2006 aperis la unuopaĵo "Yo canto" (Mi kantas), versio de la kanzono de Ricardo Cocciante de 1979. La nova kompakta disko enhavas kanzonojn kiel "Estrella gemela" (Ĝemela stelo) de Eros Ramazzotti; "No me lo puedo explicar" (Mi ne povas ekspliki tion) de Tiziano Ferro kaj aliaj kiel "Mi libre canción" (Mia libera kanzono) de Lucio Battisti, kunkantata kun la kolombia kantisto Juanes.
La 2an de junio 2007 ŝi iĝis la unua virino kiu kantis en itala futbalstadiono. San Siro (Milano) estas la elektita ejo por ŝia prezentado kien iris pli ol 70 000 personoj.
Diskografio
[redakti | redakti fonton]Albumoj
[redakti | redakti fonton]| Jaro | Album-Titolo | Lando |
|---|---|---|
| 1993 | Laura Pausini |  Italio
|
| 1994 | Laura | Italio
|
| 1996 | Le cose che vivi | Italio
|
| 1998 | La mia risposta | Italio
|
| 2000 | Tra te e il mare | Italio
|
| 2001 | The Best of Laura Pausini - E ritorno da te | Italio
|
| 2003 | From the inside | Italio
|
| 2004 | Resta in ascolto | Italio
|
| 2005 | Live in Paris 05 | Italio
|
| 2006 | Io canto | Italio
|
| 2007 | San Siro 2007 | Italio
|
| 2008 | Primavera in anticipo | Italio
|
| 2009 | LauraLive | Italio
|
| 2011 | Inedito | Italio
|
| 2013 | 20 – The Greatest Hits | Italio
|
Tradukitaj albumoj por eksterlando
[redakti | redakti fonton]| Jaro | Album-titolo | Lando |
|---|---|---|
| 1994 | Laura Pausini |  Hispanio,  Francio
|
| 1995 | Laura Pausini |  Britio
|
| 1996 | Las cosas que vives | Hispanio,  Brazilo
|
| 1998 | Mi respuesta | Hispanio
|
| 2000 | Entre tú y mil mares | Hispanio
|
| 2001 | Lo mejor de Laura Pausini - Volveré junto a ti / The Best of Laura Pausini - E ritorno da te | Hispanio, Brazilo
|
| 2002 | From the inside |  Usono,  Aŭstralio,  Japanio
|
| 2004 | Escucha | Hispanio
|
| 2006 | Yo canto / Io canto | Hispanio, Francio
|
| 2008 | Primavera anticipada / Primavera in anticipo | Hispanio, Brazilo
|
| 2009 | LauraLive | Hispanio
|
| 2011 | Inédito | Hispanio
|
| 2013 | 20 – The Greatest Hits | Hispanio
|
Eksteraj ligiloj
[redakti | redakti fonton]
- Oficiala retejo
- Laura Pausini Warner Music Arkivigite je 2011-02-08 per la retarkivo Wayback Machine
- "Akcidenteto" dum koncerto en Lima Peruo (2014)