Limodorum abortivum
![](http://upload.wikimedia.org/wikipedia/commons/thumb/d/dc/%D0%9D%D0%B5%D0%B4%D0%BE%D1%80%D0%B0%D0%B7%D0%B2%D0%B8%D1%82_%D0%BB%D0%B8%D0%BC%D0%BE%D0%B4%D0%BE%D1%80%D1%83%D0%BC_Limodorum_abortivum.jpg/220px-%D0%9D%D0%B5%D0%B4%D0%BE%D1%80%D0%B0%D0%B7%D0%B2%D0%B8%D1%82_%D0%BB%D0%B8%D0%BC%D0%BE%D0%B4%D0%BE%D1%80%D1%83%D0%BC_Limodorum_abortivum.jpg)
Limodorum abortivum estas plantospecio, apartenanta al orkidacoj (Orchidaceae). Ĝi estas protektata planto ekz. en Hungario.
Priskribo[redakti | redakti fonton]
Ĝi estas 20-50 (80) cm alta orkideo, vivanta sur sek-putrantaĵoj. La super-grundaj partoj de la planto estas helviolaj, malpur-violaj kun apenaŭ verda koloraĵo. La tigo estas forte dika, ties folioj estas skvamsimilaj, forte reduktiĝis konforme al la saprofita vivmaniero. La infloresko estas svelt-longa, la floroj estas grandaj, grapolaj. La eksteraj kovraj folioj (tepaloj) estas ovalaj, lencosimilaj, ekstre verd-violaj, interne helviolaj, kun malhelaj vejnoj. La internaj tepaloj estas pli malgrandaj, striaj-lancaj, kun helviola koloro. La lipo (labio) estas longeta-ovoforma kaj simile al la eksteraj tepaloj havas malhelajn violkolorajn long-vejnojn. La sprono estas svelta, cilindra, suben-kliniĝanta. Ĝi floras en majo-junio. La frukto estas kapsulo.
Vivejo[redakti | redakti fonton]
Ĝi kreskas en karstaj arbustaj arbaroj, kalk-ŝataj kverkaj arbaroj, malofte muskaj kverkaroj.