Grilbirdo
 | ||||||||||||
|---|---|---|---|---|---|---|---|---|---|---|---|---|
 Kangrilbirdo, Locustella luscinioides
| ||||||||||||
| Biologia klasado | ||||||||||||
| ||||||||||||
 | ||||||||||||
Aliaj Vikimediaj projektoj
| ||||||||||||
La grilbirdoj, aŭ kiel adapto de la latina scienca nomo lokusteloj, estas malgrandaj paserinaj birdoj kiuj apartenas al genro Locustella. Iam lokataj en la parafiletika grupo de Silviedoj, ili estas nuntempe konsiderataj kiel la plej nordaj membroj de la granda familio de Gondvano, la Megaluredoj.
Tiuj estas senmarkaj brunecaj birdoj kutime asociataj kun malfermaj herbejoj, arbustaroj aŭ marĉoj. Kelkaj estas striecaj, aliaj tute brunecaj, ĉiuj malfacile videblaj pro kamuflo. Ili estas insektovoraj.
La plej karaktera eco de tiu grupo estas ke la kanto de kelkaj specioj estas mekanika insekteca bobenaĵo kiu havigas la nomon de la grupo en la latina scienca nomo el Lokusto.
La specioj kiuj reproduktiĝas en moderklimataj regionoj estas tre migrantaj.
La naŭ specioj (plu unu dubinda) estas la jenaj:
- Kangrilbirdo, Locustella luscinoides
- Siberia grilbirdo, Locustella certhiola
- Orientazia grilbirdo, Locustella ochotensis
- Stria grilbirdo, Locustella lanceolata
- Rivera grilbirdo Locustella fluviatilis
- Granda grilbirdo, Locustella fasciolata
- Roja grilbirdo, Locustella (fasciolata) amnicola
- Makula grilbirdo aŭ Grilbirdo, Locustella naevia
- Pleska grilbirdo, Locustella pleskei
- Japana grilbirdo, Locustella pryeri
- Locustella accentor [1]
Fosilio el la Fina Mioceno (ĉirkaŭ 11 ma) de Rudabánya (NOr Hungario) estas tre simila al la ostoj de tiu genro (Bernor et al. 2002). Pro ties frueco (plej parto de genroj de Passerida estas konataj nur de la Plioceno), ne estas tre certa ties ĝusta lokigo ĉi tie, sed estas tre verŝajna ties aparteno al Megaluredoj almenaŭ. Ĉar la grilbirdoj estas la ununuraj konataj megaluredoj el Eŭropo, estas ankaŭ verŝajna ke la ostopeco apartenas ankaŭ al baza Locustella.
Bibliografio
[redakti | redakti fonton]- Drovetski, S.V., Zink, R.M., Fadeev, I.V., Nesterov, E.V., Koblik, Ye.A, Red’kin, Ya.A., and Rohwer, S. 2004. Mitochondrial phylogeny of Locustella and related genera. Journal of Avian Biology 35: 105-110 doi:10.1111/j.0908-8857.2004.03217.x
- Bernor, R.L.; Kordos, L. & Rook, L. (eds): Recent Advances on Multidisciplinary Research at Rudabánya, Late Miocene (MN9), Hungary: A compendium. Paleontographica Italiana 89: 3-36. PDF plena teksto
- Del Hoyo, J.; Elliot, A. & Christie D. (editors). (2006). Handbook of the Birds of the World. Volume 11: Old World Flycatchers to Old World Warblers. Lynx Edicions. ISBN 84-96553-06-X.
Referencoj
[redakti | redakti fonton]
| ||||||||||||||||||