Longavosta kormorano
 | ||||||||||||||
|---|---|---|---|---|---|---|---|---|---|---|---|---|---|---|
.jpg) Longavosta kormorano
| ||||||||||||||
| Biologia klasado | ||||||||||||||
| ||||||||||||||
| Phalacrocorax africanus (Gmelin, 1789) | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
.jpg)
La Longavosta kormorano (Microcarbo africanusaŭ antaŭe Phalacrocorax africanus), konata ankaŭ kiel Karekseja kormorano aŭ Afrika kormorano laŭ la latina scienca nomo, estas birdo de la familio de kormoranoj nome Falakrokorakedoj. Ili reproduktiĝas en multe el Afriko sude de Saharo, kaj en Madagaskaro. Ĝi estas specio de loĝantaj birdoj sed entreprenas kelkajn sezonajn movojn.
Tiu estas komuna kaj disvastigata specio, kaj ne estas konsiderata minacata. Ili reproduktiĝas en nesalakvaj humidejoj aŭ trankvilaj marbordoj. La ino demetas 2 al 4 ovojn en nesto en arbo aŭ surgrunde, normale kaŝite el vido per longaj herboj.
Tiu estas malgranda kormorano 50–55 cm longa kaj kun enverguro de 85 cm. Ĝi estas ĉefe nigra, kun verdeca irizeco, en la reprodukta sezono. La flugilkovriloj estas arĝentecaj. Ĝi havas longecan voston, mallongan kapokreston kaj ruĝan aŭ flavan vizaĝan makulon. La beko estas flava.
Ambaŭ seksoj estas similaj, sed nereproduktantaj plenkreskuloj kaj junuloj estas pli brunaj, kun blanka ventro. Kelkaj sudaj rasoj retenas la kreston la tutan jaron.
La Longavosta kormorano povas plonĝi ĝis konsiderindajn profundojn, sed kutime manĝas en neprofunda akvo. Ili ofte alportas predon al la surfaco. Ili kaptas ampleksan varion de fiŝoj. Tiuj afrotropisaj birdoj preferas malgrandajn malrapide moviĝantajn fiŝojn, kaj tiujn kun longaj kaj ŝpinilajn formojn, kiaj mormiredoj, katfiŝoj, kaj cikledoj. Ili malpli ofte manĝas ankaŭ soleojn (kiuj povas esti gravaj en ties dieto surloke), ranojn, akvajn senvertebrulojn, kaj malgrandajn birdojn.
Referencoj
[redakti | redakti fonton]- BirdLife International (2004). Phalacrocorax africanus. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 12a Majo 2006. Kriterioj kial tiu specio estas Malplej Zorgiga
- Johnsgard, Paul A.. (1993) Cormorants, Darters, and Pelicans of the World. Washington: Smithsonian Institution Press. ISBN 1-56098-216-0.
- Seabirds de Harrison, ISBN 0-7470-1410-8
- Birds of The Gambia de Barlow, Wacher kaj Disley, ISBN 1-873403-32-1
Vidu ankaŭ
[redakti | redakti fonton]Eksteraj ligiloj
[redakti | redakti fonton]- Reed Cormorant (Longavosta kormorano) - Speciteksto en The Atlas of Southern African Birds.
| ||||||||||||||||||
