Lutyně

	Lutyně; (Polská Lutyně)
	germane Ober Leuten, pole Lutynia Górna, pole Lutynia Polska
	urba parto
	Gimnazio en Lutyně
	Oficiala nomo: Lutyně
Lando	Ĉeĥio
Regiono	Moraviasilezia regiono
Distrikto	Distrikto Karviná
Administra municipo	Orlová
Historia regiono	Ĉeĥa Silezio
Parto de	Teŝinio
Baseno	Ostrava baseno
Domoj	1176 (2011)
Situo	Lutyně
- koordinatoj	49° 52′ 17″ N 18° 25′ 35″ O / 49.87139 °N, 18.42639 °O (mapo)
Katastro	7,88 km² (788 ha) Horní Lutyně
Loĝantaro	20 843 (2021)
Denseco	2 645,05 loĝ./km²
Unua skribmencio	1305
Horzono	MET (UTC+1)
- somera tempo	MET (UTC+2)
Poŝtkodo	735 14
	Situo enkadre de Ĉeĥio Situo enkadre de Ĉeĥio
	Vikimedia Komunejo: Lutyně
	Portalo pri Ĉeĥio

Koordinatoj: 49° 52′ 17″ N 18° 25′ 35″ O / 49.87139 °N, 18.42639 °O (mapo)

Lutyně (germane Ober Leuten aŭ Polnishleuten, pole Lutynia Polska aŭ Lutynia Górna) estas nordokcidenta parto de urbo Orlová en Teŝinio, de 1920 en la Ĉeĥio. Antaŭe nomo de tiu ĉi vilaĝo estis Lutynia Polska/Polská Lutyně (Pola Lutyně) dum la Dua mondmilito la nomo estis ŝanĝita al Ober Leuten, kaj poste al Horní Lutyně (Supra Lutyně). En la jaro 1960 Horní Lutyně estis unuiĝinta kun urbo Orlová, kaj de tiu ĉi jaro estas uzita mallongigita nomo Lutyně.

Nuntempe Lutyně estas plej granda parto de la urbo, kun 76,1% populacio, tiu estas 20 843 loĝantoj (2021)^[1].

Historio

Lutyně estis menciita la unuan fojon en la latina dokumento Liber fundationis episcopatus Vratislaviensis, verkita en la tempoj de episkopo Henryk de Wierzbno ĉirkaŭ 1305 inter kelkaj vilaĝoj devigitaj pagi dekonaĵojn al la episkopejo en Wrocław^[2]. Tiu ĉi vilaĝo estis en la Teŝina princlando, kiu estis kreita en 1290 rezulte de la divido Silezia princlando. La regantoj de la princlando venis de pola (piasta) dinastio. La lasta piasta princino Elizabeto Lukrecio mortis en la jaro 1653, kaj novoj reĝoj de la princlando estis Habsburgoj, kiu reĝis ĝin ĝis la jaro 1918. Post la dispartiĝo de Teŝinio en 1920 la vilaĝo estis ene de la limoj de Ĉeĥoslovakio, kaj en la jaro 1938 mallongatempe estis en Pollando. Dum la Dua mondmilito Lutyně kun la pli granda parto de Teŝinio estis en Tria imperio kiel Bezirk Teschen. Post la milito la limoj en la rivero Olza revenis (kiel estis en jaroj 1920-1938), kaj Lutyně estas en Ĉeĥio ĝis nun.

En la jaro 1896 en Lutyně naskiĝis pola artisto kaj folkloristo Gustaw Fierla, kaj en 1908 Adolf Fierla, kaj en 1909, luterana pastro, Władysław Fierla.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	843
1880	1 050
1890	1 200
1900	1 733
1910	2 133
1921	2 231

Jaro	Loĝantoj
1930	2 691
1950	2 403
1961	2 687
1970	9 621
1980	17 521
1991	28 077

Jaro	Loĝantoj
2001	26 577
2011	22 829
2021	20 843

Gravaj konstruaĵoj kaj monumentoj

En la Lutyně situas kapelo sankta Johano Nepomuka konstruita en la jaro 1854^[3], kiu estas la plej malnova konstruaĵo en tiu ĉi urboparto. Proksime al la kapelo staras monumentoj al la falintoj dum la unua kaj la dua mondmilitoj. Tuta urboparto estas karakterizata per socialismaj kaj modernaj konstruaĵoj.