Máté Zalka

Máté Zalka
Persona informo
Zalka Máté
Naskiĝo	23-an de aprilo 1896 (1896-04-23) en Tunyogmatolcs
Morto	11-an de junio 1937 (1937-06-11) (41-jaraĝa) en Huesca
Tombo	Malnova tombejo de Budapeŝto vd
Lingvoj	hungara • rusa vd
Ŝtataneco	Hungario vd
Partio	Hungara Komunista Partio vd
Profesio
Okupo	verkisto militisto vd
Aktiva dum	1915– vd
Honorigoj Honorigoj (1928)  Ordeno de Ruĝa Standardo vd
vd	Fonto: Vikidatumoj

Máté Zalka

ZALKA Máté (naskiĝnomo Béla Frankl, n. la 23-an de aprilo 1896 en Matolcs, Hungario, m. la 11-an de junio, 1937en Huesca, Hispanio) estis hungara verkisto kaj revoluciulo. La pseŭdonimo Máté Zalka, estis inspirita de la urbo Mátészalka, proksima al lia naskiĝloko.

Li venis el etburĝa familio. Kiam li aĝis 18, li ek-soldatservis.

Zalka batalis en Italio kaj pri tio verkis la novelon "Doberdó". Li militkaptitiĝis en 1916 en la rusa fronto kaj en la prizonkampo (Krasnojarsk) konatiĝis kun la marksisma ideologio. Li batalis en Rusio kontraŭ la blankuloj kaj en 1920 kontraŭ Kolĉak. Kiam oni reakiris la or-rezervon de la soveta ŝtato, li akompanis ĝin de Aĉinsk ĝis Kazan. Li batalis ankaŭ kontraŭ Vrangel, iĝis ano de la Rusia Komunista Partio (1920), poste agadis en diversaj postenoj en Sovetunio (diplomatia kuriero, direktoro de la Ŝtata Libroeldonejo 1922-25, direktoro de la moskva Revolucia Teatro 1925-).

Li batalis en la hispana enlanda milito (1936) kiel Generalo Lukács. Li mortis en bombardado.

Post la fino de la enlanda milito, li okupiĝis pri literatura agado en Moskvo. Unua novelo en la rusa lingvo aperis en Moskvo en la jaro 1924.

Verkaro

Zalka verkis plurajn librojn inspiritajn de sia milita sperto dum la Unua Mondmilito kaj la Rusia enlanda milito, emfazante la fratecon inter la popoloj, la absurdaĵon kaj maljustecon de la mondmilito.

• Doberdo (Moskvo, 1936, Budapeŝto, 1947)
• Ĉiuj liaj verkoj (Moskvo, 1948)
• Elektitaj rakontoj (Budapeŝto, 1952)
• Ivanov kaj aliaj rakontoj (Budapeŝto, 1954)
• La planedoj revenas (Budapeŝto, 1966)
• La Kantanta Malliberejo (Budapeŝto, 1966)

Bibliografio

Doberdo. trad. János Petik, MAS, 2013, 317 p., ISBN 978-2-918300-90-8