Cauco

Cauco
	Blazono de Cauco
	Cauco
former municipality of Switzerland
Kantono	Grizono
Distrikto	Moësa
Komunumaro	Calanca
Koordinatoj	46° 20′ 6″ N 9° 7′ 14″ O / 46.33500 °N, 9.12056 °O (mapo)Koordinatoj: 46° 20′ 6″ N 9° 7′ 14″ O / 46.33500 °N, 9.12056 °O (mapo)
Nombro de loĝantoj	36
Areo	10,89 km²
Alteco	992 m super marnivelo
Poŝtkodo	6546
Komunumkodo	3806
	Mapo de Cauco
	v • d • r

Pri la komunumo

Cauco estas komunumo de la komunumaro Calanca kaj la distrikto Moësa en Kantono Grizono, Svislando. Ĝi havis 36 loĝantojn je la 31-a de decembro 2009.

Geografio

Cauco situas en la mezo de la Valo de Calanca ĉe la bordo de la rivero Calancasca. La komunumo konsistas el la kvar vilaĝetoj Cauca, Bodio, Lasciallo kaj Masciadone. Cauca kaj Bodio situas en la valfondo, Cauca oriente de Calancasca en la centro de la komunumo, Bodio pli sude okcidente de la rivero. Lasciallo situas sur teraso en oriente kaj Masciadone ankaŭ sur teraso en okcidente de la rivero.

Najbaraj komunumoj

La komunumo Cauco limas en nordo al Rossa, en sudoriento al Soazza, en oriento al Lostallo, en sudoriento al Verdabbio, en sudsudoriento al Santa Maria in Calanca, en sudo al Selma, en sudsudokcidento al Arvigo, en sudokcidento al Osogna (TI) kaj en nordokcidento al Biasca (TI).

Trafiko

Cauco situas flanke de la gravaj trafikvojoj. La komunumo atingeblas per la vojo tra la Valo de Calanca de Grono al Rossa. Sur la vala vojo cirkulas poŝtaŭtolinio, kiu konektas la komunumon kun la publika transportreto.

Lingvoj

La ĉefa kaj sola oficiala lingvo de Cauco estas la itala, parolata de pli ol 90% de la loĝantaro.

Historio

Cauca dividas la historion kun la cetera Valo de Calanca. Ĝis la administracia reformo de Kantono Grizono de 1851 Cauco estis parto de la tribunalkomunumo Calanca. En 1851 ĝi fariĝis memstara politika komunumo de la komunumaro Calanca en la distrikto Moësa. En la 17-a jarcento Cauca havis proksimume 400 loĝantojn. Sekve de formigrado la loĝantaro falis al aktuale ankoraŭ 36 personoj. La preĝejo Sankta Antonio Abato estis menciita la unua fojon en la jaro 1497. En la jaro 1633 ĝi fariĝis pastra preĝejo kaj Cauco sekve propra paroĥo. En la jaro 1683 la preĝejo estis gradigita kaj estis alkonstruita sonorila turo. En la jaro 1978 ĝis 1989 la preĝejo estis renovigita.^[1]