Mihály Berrár

Mihály Berrár
Persona informo
Naskiĝo	5-an de decembro 1884 (1884-12-05) en Tiszabura
Morto	25-an de majo 1929 (1929-05-25) (44-jaraĝa) en Budapeŝto
Tombo	Malnova tombejo de Budapeŝto, 55/1-56
Ŝtataneco	Hungario
Okupo
Okupo	bestokuracisto profesoro scienca esploristo verkisto de nefikcio

Mihály Berrár [mihAj berAr], laŭ hungarlingve kutima nomordo Berrár Mihály estis hungara bestokuracisto, altlerneja instruisto.

Mihály Berrár naskiĝis la 5-an de decembro 1884 en Tiszabura, li mortis la 25-an de majo 1929 en Budapeŝto.

Biografio

Mihály Berrár maturiĝis en gimnazio en Arad (urbo), poste li akiris diplomon en Veterinara Altlernejo de Budapeŝto en 1906, poste li estis asistanto en la fiziologia instituto ĝis 1912. Intertempe li studvojaĝis en 1909 en Germanio kaj Francio, en la sekva jaro en Egiptio, Hindio, Ĉinio kaj Britio. Li doktoriĝis en 1911. Inter 1912-1921 li laboris en la kirurgia kliniko, sed dum la 1-a mondmilito li estis armea kuracisto kaj inter 1917–1920 li denove studvojaĝis eksterlande. Ekde 1921 li instruis en la altlernejo, kie li estis katedrestro, eĉ profesoriĝis en 1924 kaj estis vicrektoro en la studjaro 1926. Li estis la unua majstro pri bestaj okuloj en la altlernejo.

Elektitaj kontribuoj

• Az emésztőcsatornában élő bakteriumok szerepe az emberi szervezetben (1907)
• Állatorvosi sebészet (I. Általános sebészet és szemészet, II. Részletes sebészet) (1924)
• A sebészet harca a baktériumokkal (1927)
• Vizsgálatok a havi vakság oktanáról (kun Rezső Manninger) (1928)

Memorigiloj

• strato en Tiszabura
• memortabulo en Tiszabura (1986)

Fontoj

• hungarlingva biografio kun foto
• hungarlingva biografio (la koncerna teksto estas legebla en la 112-a paĝo)
• hungarlingva biografio kun foto
• hungarlingva biografio kun foto (la koncerna teksto estas legebla en la 195-a paĝo)
• hungarlingva biografio (la koncerna teksto estas legebla pli malsupre) Arkivigite je 2021-06-22 per la retarkivo Wayback Machine