Ministraro dua de Angela Merkel
| Ministraro dua de Angela Merkel | ||
|---|---|---|
| ||
| federacia kabineto de Germanio | ||
| Jurisdikcio | Germanio | |
| Lando | Germanio | |
| Partoprenanta | Ursula von der Leyen • Guido Westerwelle • Philipp Rösler • Hans-Peter Friedrich • Sabine Leutheusser-Schnarrenberger • Wolfgang Schäuble • Rainer Brüderle • Franz Josef Jung • Ilse Aigner • Karl-Theodor zu Guttenberg • Thomas de Maizière • Kristina Schröder • Daniel Bahr • Peter Ramsauer • Norbert Röttgen • Peter Altmaier • Annette Schavan • Johanna Wanka • Dirk Niebel • Ronald Pofalla • Angela Merkel vd | |
Ministraro dua de Angela Merkel 
| ||
| Dum | 28-a de oktobro 2009 - 17-a de decembro 2013 | |
| Antaŭulo | Ministraro unua de Angela Merkel | |
| Sekvanto | Ministraro tria de Angela Merkel | |
La dua ministraro de Angela Merkel estas la Federacia Registaro de Germanio, kiu oficas ekde la 28-a de oktobro 2009 dum la 17-a parlamenta periodo de la nacia asembleo Bundestag ĝis kreo de nova registaro sekve de la parlamenta baloto en Germanio 2013. Estrata de la kristandemokratino Angela Merkel - la unua kancelierino -, ĝi estas subtenata de registara koalicio de la konservativaj partioj Kristandemokrata Unio de Germanio (CDU) kaj Kristansociala Unio en Bavario (CSU) plus la Libera Demokrata Partio (FPD). La havas la adjektivon "dua", ĉar jam dum la antaŭa 16-a parlamenta periodo de la nacia asembleo inter novembro 2005 kaj 2009 la nacia registaro estis estrata de Angela Merkel - tiam tamen temis pri granda koalicio inter la konservativaj partioj CDU kaj CSU plus la Socialdemokrata Partio de Germanio (SPD).
.jpg)
Konsisto
[redakti | redakti fonton]| Ofico | Nomo | Partio | |
|---|---|---|---|
| Federacia Kancelierino | Angela Merkel | CDU | |
| Vickanceliero | Guido Westerwelle | FDP | |
| Federacia ministro pri eksteraj rilatoj | Guido Westerwelle | FDP | |
| Federacia ministro pri interno | Hans-Peter Friedrich (ĝis marto 2011 Thomas de Maizière, CDU) |
CSU | |
| Federacia ministrino pri justico | Sabine Leutheusser-Schnarrenberger | FDP | |
| Federacia ministro pri financo | Wolfgang Schäuble | CDU | |
| Federacia ministro pri ekonomio kaj teknologio | Philipp Rösler (ĝis majo 2011 Rainer Brüderle) |
FDP | |
| Federacia ministro pri laboro kaj socialaj aferoj | Ursula von der Leyen (ĝis la 30-a de novembro 2009 Franz Josef Jung) |
CDU | |
| Federacia ministro pri nutro, agrokulturo kaj protekto de konsumantaro | Ilse Aigner | CSU | |
| Federacia ministro pri defendo | Thomas de Maizière (ĝis marto 2011 Karl-Theodor zu Guttenberg, CSU) |
CDU | |
| Federacia ministrino pri familioj, maljunularo, virinaro kaj junularo | Kristina Schröder (ĝis la 30-a de novembro 2009 Ursula von der Leyen) |
CDU | |
| Federacia ministrino pri sano | Daniel Bahr (ĝis majo 2011 Philipp Rösler) |
FPD | |
| Federacia ministro pri transporto, konstruo kaj urba evoluo | Peter Ramsauer | CSU | |
| Federacia ministro pri medio, protekto de naturo kaj atomenergia sekureco | Norbert Röttgen | CDU | |
| Federacia ministrino pri eduko kaj esploro | Annette Schavan | CDU | |
| Federacia ministro pri ekonomia kunlaboro kaj evoluo | Dirk Niebel | FPD | |
| Federacia ministro pri specialaj taskoj, ĉefo de la federacia kancelierejo | Ronald Pofalla | CDU | |
Ĉiuj ministroj krom Philipp Rösler ankaŭ estas elektitaj membroj de la federacia parlamento Bundestag. La koalicia interkonsento ricevis la programan titolon Wachstum. Bildung. Zusammenhalt. ("Kresko. Eduko. Kunteniĝo.").
Ŝanĝiĝoj
[redakti | redakti fonton]La unua ŝanĝo de la ministraro okazis la 30-an de novembro 2009. Franz-Josef Jung, en la unua ministraro de Angela Merkel de 2005 ĝis 2009 ministro pri defendo, la 27-an de novembro deklaris sian demision el la registaro pro kritikoj pri la informa politiko rilate al elaera atako proksime de Kunduz en Afganio septembre 2009: tiam germanaj armeaj aviadiloj bombe atakis du benzintransportajn kamionojn ŝtelitajn de talibanoj, detruis la kamionojn sed mortigis ankaŭ pli ol 50 nur hazarde trafitajn civitanojn. Lian postenon kiel ministro pri laboro kaj socialaj aferoj, kiun li plenumis nur monaton, transprenis Ursula von der Leyen, kaj ŝian antaŭan postenon de ministrino pri familio, maljunularo, virinaro kaj junularo transprenis la tiumomente nur 32-jara Kristina Schröder.
La 3-an de marto 2011 Karl-Theodor zu Guttenberg demisiis pro akuzoj pri plagiatita doktora disertaĵo. Lin anstataŭis Thomas de Maizière, ĝis tiam sur posteno de ministro pri internaj aferoj, tie anstataŭigita de Hans-Peter Friedrich.
La 12-an de majo 2011 Philipp Rösler iĝis ministro pri ekonomio post Rainer Brüderle. La oficon de ministro pri sano transprenis post li Daniel Bahr.