Mioveni

Mioveni
urbeto en Rumanio vd
Blazono
Administrado
Ĝemelurboj Landerneau Scoreni (en) Măgdăcești (en) vd
Poŝtkodo	115400
En TTT	Oficiala retejo [+]
Demografio
Loĝantaro	29 317  (2021) [+]
Loĝdenso	577 loĝ./km²
Geografio
Geografia situo	44° 57′ N, 24° 56′ O (mapo)44.95527777777824.935555555556 [+]
Alto	417 m [+]
Areo	50,79 km² (5 079 ha) [+]
Horzono	UTC+02:00 [+]
Mioveni (Rumanio) DEC Situo de Mioveni
Alia projekto
Vikimedia Komunejo Mioveni [+]

Mioveni [miovenj] estas urbo en la distrikto Argeș. La urbo havis 31 998 loĝantojn en 2011. En Mioveni situas la Dacia-fabriko. Apude estas la urbo Pitești.

Antaŭe la urbo nomiĝis Colibași.

• 
  Dormition 2012 en Piscani (en la fono Mioveni)
• 
  Stadiono de Mioveni

Dacia-aŭtofabriko

La fabriko malfermiĝis en 1966. Ĝi komence produktis francajn Renault-veturilojn laŭ licenco. Tiuj personaŭtoj ne plenumis la okcidentajn kvalitpostulojn kaj vendiĝis antaŭ ĉio en Rumanio. En 1989 la fabriko havis ĉ. 28 000 dungitojn kaj produktis pli ol 100 000 veturilojn jare.

En 1999 Renault transprenis la fabrikon. Renault volis profiti de la malaltaj salajroj kaj celis produkti malmultekostajn personaŭtomobilojn de malpli ol 5 000 eŭroj. Tio lasta ne tute realiĝis, sed Renault proksimis la celon kaj en 2004 enkondukiĝis la Dacia Logan por prezo de 6 400 eŭroj. La produktado rapide altiĝis kaj en 2013 produktiĝis 343 000 veturiloj kaj 14 000 homoj laboris en la fabriko. Krom eta parto ĉiuj veturiloj eksportiĝis. La fabriko havas kapaciton de 350 000 veturiloj jare kaj tio preskaŭ tute estas utiligata. Je la 6-a de majo 2014 la 5-miliona veturilo rulis de la muntoĉeno kaj forlasis la fabrikon. La dungitoj ricevis meze de 2014 ĉ. $ 1 200 en monato, tio estas unu triono de la salajro de dungitoj de Renault en Francio, sed ili apartenas al la plej bone salajrataj dungitoj en Rumanio.