Mnichov (Vrbno pod Pradědem)

Por aliaj signifoj, bv. rigardi la apartigilan paĝon: Mnichov

Mnichov
germane Einsiedel
vilaĝo
Preĝejo de Vizito de Virgulino Maria en Mnichov
Oficiala nomo: Mnichov
Ŝtato	Ĉeĥio
Regiono	Moraviasilezia regiono
Distrikto	Distrikto Bruntál
Administra municipo	Vrbno pod Pradědem
Historia regiono	Ĉeĥa Silezio
Montaro	Hrubý Jeseník
Domoj	292 2010
Situo	Mnichov
- koordinatoj	50° 08′ 15″ N 17° 22′ 47″ O (mapo)
Katastro	10,58 km² (1 058 ha) Mnichov pod Pradědem
Loĝantaro	703 (2021)
Denseco	66,45 loĝ./km²
Unua skribmencio	1586
Horzono	MET (UTC+1)
- somera tempo	MET (UTC+2)
Poŝtkodo	793 26
Situo enkadre de Ĉeĥio Situo enkadre de Ĉeĥio
Vikimedia Komunejo: Mnichov (Vrbno pod Pradědem)
Retpaĝo: www.obecmnichov.eu
Portalo pri Ĉeĥio

Mnichov (germane Einsiedel, pole Mnichów) estas vilaĝo en Ĉeĥio, parto de urbo Vrbno pod Pradědem en distrikto Bruntál. Vivas ĉi tie 703 loĝantoj (2021).

Historio

La vilaĝo estiĝis en valo de rivero Černá Opava kaj la unua skribmencio pri ĝi devenas el la jaro 1586. Tiam ĉi tie estis vitrofarejo kaj forĝejo. En la 19-a jarcento la vilaĝo plu evoluiĝis, loĝantaro estis plejparte germane parolanta. En la jaroj 1850 ĝis 1877 estis parto de Mnichov ankaŭ vilaĝo Železná. Al la jaro 1930 estis partoj de la municipo ankaŭ pereinta Josefský Hamr (Josefshammer), plu Dlouhá Stráň (Langenberg) kaj Zastávka (Stillstand).

En la municipo estis tre disvastigita industrio. Ekzistis ĉi tie kelke da segejoj. Al la jaro 1930 estas menciata maŝinejo, produktejo de agrikulturaj kaj riparigaj maŝinoj. Al la jaro 1848 ĉi tie estis ankaŭ bierfarejo kun distilejo de superulara administracio Javorník, kiu post la jaro 1900 pereis. Plu ĉi tie estis pluaj produktejoj de alkoholaĵoj, premejo de oleo, produktejo de ligna lano, tuboj kaj fragmitaj matoj.

En la jaro 1903 trafis la municipon neniiga inundo. En la jaroj 1937–1938 estis konstruitaj norde kaj oriente de la municipo limregionaj fortikaĵoj (malpezaj objektoj modelo 37). La municipo estis en la jaro 1938 alligita al Germanio kaj la 8-an de majo 1945 ĝi estis okupita fare de Ruĝa Armeo. Post la dua mondmilito kaj denova alligo al Ĉeĥoslovakio okazis ellandigo de la germana loĝantaro, ĝis tiu tempo la municipo estis fakte pure germana. Sekve de tio la nombro de loĝantoj de la municipo sinkis el la antaŭmilitaj 2200 al 778 en la jaro 1946. La germana nomo de la municipo Einsiedel estis ŝanĝita al Mnichov. Post la milito ankaŭ pereis kuracigejo. Sed flegistinoj ĉi tie laboris ĝis la jaro 1977. En la jaro 1960 Mnichov estis alligita al Vrbno pod Pradědem, sub kiu ĝi apartenas ĝis hodiaŭ.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	2 183
1880	2 145
1890	2 218
1900	2 213
1910	2 262
1921	1 966

Jaro	Loĝantoj
1930	2 214
1950	772
1961	1 020
1970	976
1980	954
1991	907

Jaro	Loĝantoj
2001	838
2011	730
2021	703

En Mnichov estas registritaj 292 adresoj: 272 objektoj por daŭra loĝado kaj 20 objektoj por refreŝigado. Dum popolnombrado en la jaro 2001 ĉi tie estis kalkulitaj 234 domoj, el tio 187 daŭre loĝataj.

Fotogalerio

• 
  Mnichov
• 
  Mnichov
• 
  Mnichov
• 
  Mnichov