Leytron
| Leytron | |
|---|---|
 | |
| Blazono de Leytron | |
 | |
| Ovronnaz, komunumo Leytron | |
| komunumo en Svislando | |
| Kantono | Valezo |
| Distrikto | Martigny |
| Koordinatoj | 46° 11′ 15″ N 7° 12′ 33″ O / 46.18750 °N, 7.20917 °O (mapo)Koordinatoj: 46° 11′ 15″ N 7° 12′ 33″ O / 46.18750 °N, 7.20917 °O (mapo) |
|
| |
| Nombro de loĝantoj | 2758 |
| Areo | 26,85 km² |
| Alteco | 485 m super marnivelo |
| Poŝtkodo | 1912 |
| Komunumkodo | 6135 |
 | |
| Situa mapo de Leytron | |
Leytron estas komunumo en la distrikto Martigny en Kantono Valezo, Svislando. Ĝi havis 2758 loĝantojn je la 31-a de decembro 2011.
Geografio
[redakti | redakti fonton]La komunumo Leytron situas en la franclingva Suba Valezo, ĉe la norda flanko de la Valo de Rodano. La orientan komunumlimon formas la rivero Losentse, en sudoriento la limon formas Rodano. La komunumo konsistas el la vilaĝoj Leytron kaj Ovronnaz, kaj la setlejoj Les Moulins, Produit, Montagnon, Les Places, Le Four, Dugny, Morthey kaj Lui Teise. Ovronnaz estas kuracloko kun varmakva banejo.[1]
La teritorio de la komunumo etendiĝas sur areo de 26,85 km², de kiuj 24,7% estas kovritaj de arbaro, 30,8% servas por agrikulturo kaj 6,2% por setlado. [2]
Najbaraj komunumoj
[redakti | redakti fonton]La komunumo Leytron limas en nordo kaj oriento al Chamoson, en sudsudoriento al Riddes, en sudo al Saillon, en okcidentosudokcidento kaj nordokcidento al Fully, en nordokcidento al eksklavo de Saillon, kaj en nordnordokcidento al Bex (VD).
Trafiko
[redakti | redakti fonton]Tra Leytron pasas en la valo la kantona ĉefvojo n-ro 9. La suda pinto de la komunumo limas al la svisa aŭtovojo A9, kies plej proksima alveturejo Riddes situas 2 metrojn sude de la komunumlimo. Pere de la poŝtaŭtolinio de Siono al Martigny kaj la lino de Leytron al Ovronnaz la komunumo estas konektita al la publika transportreto. De Ovronnaz kabintelfero kondukas al Jorasse.
Historio
[redakti | redakti fonton]La unua dokumenta mencio de Leytron datiĝas el la jaro 1219 kiel Leitrun. Ek de mezepoko Leytron apartenis al la Flago kaj Subvoktejo Saillon kaj estis ek de 1033 persona havaĵo de la Grafo Ulriko la 1-a de Lencburgo, kiu ĝin transdonis al sia nevo Aymo de Savojo, la tiama episkopo de Siono. En la jaro 1475 ĝi estis konkerita de la Valezaj Dekonoj. Leytron estis dokumentita la unuan fojon kiel komunumo en la jaro 1315. En la jaro 1820 estis fondita la hodiaŭa komunumo post disiĝo de Saillon.[3]
Notoj kaj referencoj
[redakti | redakti fonton]- ↑ Fonto: Reta mapo 1:20000 de Swisstopo Arkivigite je 2014-06-06 per la retarkivo Wayback Machine
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Patrick Maye: Leytron en Historia Leksikono de Svislando (2008-01-18)
Eksteraj ligiloj
[redakti | redakti fonton]- Vidu ankaŭ en la Vikimedia Komunejo la kategorion Leytron – (Kolekto de bildoj kaj plurmediaj dosieroj)
Bildoj
[redakti | redakti fonton]-
Preĝejo de Leytron -
Leytron
| ||||||
