Naŭ krucoj
| Naŭ krucoj | |
| ĉeĥe: Devět křížů | |
| monumento | |
 Naŭ krucoj
| |
| Oficiala nomo: Naŭ krucoj | |
| Ŝtato |  Ĉeĥio
|
|---|---|
| Regiono | Sudmoravia regiono |
| Distrikto | Distrikto Brno-provinco |
| Municipo | Lesní Hluboké |
| Historia regiono | Moravio |
| Montaro | Křižanova montetaro |
| Situo | Naŭ krucoj |
| - koordinatoj | 49° 16′ 04″ N 16° 17′ 46″ O / 49.26778 °N, 16.29611 °O (mapo) |
| Starigo | 1540 |
| Horzono | MET (UTC+1) |
| - somera tempo | MET (UTC+2) |
  Situo enkadre de Ĉeĥio
| |
 Vikimedia Komunejo: Devět křížů
| |
 Portalo pri Ĉeĥio
| |
Naŭ krucoj (ĉeĥe: Devět křížů) estas loko ĉe municipo Lesní Hluboké en distrikto Brno-provinco, sur ŝoseo II/602, proksime de la elirejo 168 de aŭtostrado D1. Troviĝas ĉi tie hotelo Annahof (devene motoresto Devět křížů). Proksimume 2 kilometrojn en okcidenta direkto estas sur D1 lokigita ambaŭflanka ripozejo.
Historio
[redakti | redakti fonton]La loko ricevis la nomon laŭ naŭ lignaj krucoj, laŭ la legendo starigitaj ĉe la loko, kie supozeble okazis masakro de la geedziĝa procesio en 1540. Estis 9 viktimoj en la loko, en kies memoro estis starigitaj la krucoj. En 2012, arkeologoj de kompanio Archaia esploris la lokon kune kun sciencistoj de Universitato de Masaryk. Tiuj surloke ne trovis homajn restaĵojn, kiuj povus subteni ĉi tiun historion. Laŭ la memuaroj de Vladimír Ryšánek, la urbestro de Lesní Hluboké, ili estis reprenitaj jam en la 1960-aj jaroj dum la renovigo de la putraj krucoj. Poste, post ilia anstataŭigo, la ostoj estis metotaj sub la mezan krucon, sed pro oftaj elfosadoj de servaj retoj, ili probable estis detruitaj.
La originaj krucoj estis starigitaj de benediktanaj monaĥoj de la monaĥejo en Rajhrad. Ili estis regule anstataŭigitaj per novaj kaj kutime konsekritaj ĉiun centan jaron. Ekzemple, ilia preskribo en 1824 kaj la 18-an de septembro 1887 estas registrita. Novaj krucoj estis starigitaj en 1985, kiuj tamen estis en malbona stato post 30 jaroj. Tial, en 2018, novaj krucoj estis faritaj el larika ligno, de lokaj arboj faligitaj dum ŝtormo en 2016. Ili estis konsekritaj dum la pilgrimado en Lesní Hluboké la 26-an de julio 2020 kaj estis plantitaj en decembro de 2020.
La krucoj estas protektitaj kiel kultura memorindaĵo.
Mito
[redakti | redakti fonton]La mito estas dokumentita en neniuj laŭtempaj fontoj. La unua skribmencio pri la krucoj venas de Milena Flodrová, la historiistino el Brno, el la fino de la 18-a jarcento. Tamen Silva Smutná de la Muzea Asocio de ĉirkaŭaĵo de Velká Bíteš mencias germanan enskribon en la urba kroniko de Velká Bíteš el la jaro 1728, kiu ankaŭ priskribas la eventon.
En 1801, la mito estis publikigita kaj ĝi deklaris, ke la malfeliĉo okazis antaŭ 261 jaroj, do en 1540. Laŭ ŝi, vilaĝano el Hluboké trovis vintre en la arbaro la malsanan Veleslavon, la filon de riĉa komercisto. Li kunprenis lin al sia hejmo, kie la filino de la vilaĝano Johanka prizorgis lin dum kelkaj semajnoj. Veleslavo kaj Johanka enamiĝis unu la alian, sed ŝiaj gepatroj ne konsentis kun ilia geedziĝo. Veleslavo foriris kaj estis varbita al la kavaleria regimento kontraŭ la turkoj. Li revenis post unu jaro poste kiel suboficiro, kaj kiam li aŭdis en drinkejo pri la planita geedziĝo de Johanka kun fremda fianĉo, li kaj lia kunulo prepariĝis por atako kontraŭ la geedziĝaj gastoj. Tiuj revenis de la preĝejo en Bíteš kaj en la arbaro Veleslav kaj lia kunulo ekpafis kontraŭ ili. La fianĉino devis esti savita, sed lia kunulo pafmortigis ŝin ankaŭ. La malĝoja Veleslavo poste mortpafis lin kaj sin.
Pluaj fotoj
[redakti | redakti fonton]-
La krucoj -
La krucoj
.jpg)
.jpg)