Nacia Parko Tadoba
| Nacia Parko Tadoba Tigrorezervejo Tadoba-Andhari |
|||||
|---|---|---|---|---|---|
 | |||||
| |||||
| Lando | Barato | ||||
| Federacia ŝtato | Maharaŝtro | ||||
| Koordinatoj | 20° 16′ 1″ N, 79° 25′ 45″ O (mapo)20.26779.4291Koordinatoj: 20° 16′ 1″ N, 79° 25′ 45″ O (mapo) [+] | ||||
| Akvokolektejo | 1 727,59 km² (172 759 ha) [+] | ||||
| Areo | 1 727,59 km² (172 759 ha) [+] | ||||
| Estiĝo | 1955 | ||||
|
|||||
 |
|||||
| Nacia Parko Tadoba Tigrorezervejo Tadoba-Andhari |
|||||
 Vikimedia Komunejo: Tadoba Andhari Tiger Reserve [+] |
|||||
| En TTT: Oficiala retejo [+] | |||||
La Nacia Parko Tadoba (hindie ताडोबा-अंधारी व्याघ्र प्रकल्प, angle Tadoba National Park) estas la plej malnova kaj plej granda nacia parko en Maharaŝtro. Fondita en 1955, ĝi situas ĉe la plej orienta parto de la ŝtato.
Oficiale, la nacia parko okupas 116.55 km²; tute apude estas la Sanktejo de Sovaĝaĵoj Andhari (Andhari Wildlife Santuary), fondita en 1986 kaj okupante 508.85 km². Kune, la du protektitaj areoj (625.4 km²) estas nun nomataj Tigrorezervejo Tadoba-Andhari (Tadoba Andhari Tiger Reserve).[1]
Nomo
[redakti | redakti fonton]La nomo Tadoba devenas de iu dio tradicie kultita de la lokaj triboj.
La nomo Andhari estas la nomo de mallonga rivero kiu trafluas la densan arbaron.
Priskribo
[redakti | redakti fonton]La protektita arbaro de Tadoba kovras malkrutajn montetojn en orienta Maharaŝtro, inter ĉ.200m kaj ĉ.350m super la marnivelo.
Ĝi situas en la distrikto de Ĉandrapuro, ĉirkaŭ 40km nordoriente de la ĉefurbo.
En la arbaro estas kelkaj malgrandaj lagoj (la plej granda estas nomata Tadoba) kaj mallongaj riveroj, ĉefe la rivero Andhari, apartenantaj al la baseno de Godavari.
Plantoj
[redakti | redakti fonton]Preskaŭ la tuta parko estas okupata de densaj arbaroj, de la tipo "suda tropika seka falfolia". La vorto "seka" celas ke pluvoj ne estas abundaj, kompare al aliaj similaj regionoj (en Ĉandrapuro ili atingas 1200 mm jare, kun ĉ. 60 pluvtagoj, el kiuj nur 7 de novembro al maio). La arboj faligas siajn foliojn dum la seka sezono, t.e. vintre kaj printempe.
La plej grava arbo estas la granda tektono (Tectona grandis), kiu estas la superreganta arbo en la lokaj arbaroj. Inter la multaj aliaj specioj de arboj, estas menciindaj la hinda bombako (Bombax ceiba, hinde semal) kaj la orienta hinda ebonarbo (Diospyros melanoxylon, hinde tendu).[2][1]
Bestoj
[redakti | redakti fonton]
La parko estas fama pro la ĉeesto de tigroj, kies nombro estis taksata en 2016 je 51 (88 inkluzive de protektitaj areoj ekster la rezervejo).[3]
Kelkaj aliaj gravaj mamuloj en Tadoba estas:[1]
- la hinda leopardo (Panthera pardus fusca)
- la longlipa urso (Melursus ursinus)
- la strihieno (Hyaena hyaena)
- la malgranda hindia zibeto (Viverricula indica)
- la akvocervo (hinde sambar) (Rusa unicolor)
- la makulfela cervo (hinde ĉital) (Axis axis)
- la hinda muntjako (hinde kakar) (Muntiacus muntjak)
- la kvarhorna antilopo (hinde ĉausingha) (Tetracerus quadricornis)
En lago Tadoba estas marĉaj krokodiloj (Crocodylus palustris), iam oftaj en tuta Maharaŝtro.
Notoj kaj fontoj
[redakti | redakti fonton]- ↑ 1,0 1,1 1,2 Tadoba Forest (angle). Tadoba Andhari Tiger Reserve. Arkivita el la originalo je 2019-11-21. Alirita 2019-11-23.
- ↑ About Tadoba National Park (angle). TadobaNationalPark.in. Alirita 2019-11-23.
- ↑ V.Pinjarkar. "Tadoba, buffer tiger number roars to 88", The Times of India, 2016. Kontrolita 2019-11-23. (angle)