Nigrorela koturno
 | ||||||||||||||
|---|---|---|---|---|---|---|---|---|---|---|---|---|---|---|
 Nigrorela koturno
| ||||||||||||||
| Biologia klasado | ||||||||||||||
| ||||||||||||||
| Odontophorus melanotis (Salvin], 1865) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
La Nigrorela koturno (Odontophorus melanotis) estas specio de birdoj de la familio de Odontoforedoj aŭ Amerikaj koturnoj kaj de ties tipa genro de Odontoforoj, kiuj estas perdrikecaj specioj fortikabekaj kaj kun rimarkindaj nigrablankaj gorĝaj aŭ vizaĝaj markoj. Ĝi estis ofte konsiderata raso de la proksima parenca Ruĝfrunta koturno, O. erythrops.
Temas pri tre malhelbruna specio kun ruĝecbrunaj frunto kaj superokula strio, flaveca nuka kresto kaj tre malhelbrunaj supraj partoj dum subaj estas pli helaj kaj kun blankeca punkteco. La bazdika beko kaj la kruroj estas malhelgrizaj al nigrecaj.
Ĝi troviĝas en Kostariko, Honduro, Nikaragvo kaj Panamo.
La birdoj de Panamo iam estis agnoskataj kiel separata raso nome coloratus. Sed hodiaŭ oni agnoskas du subspeciojn:
- verecundus Peters, 1929 – kariba deklivaro de Honduro.
- nomiga melanotis Salvin, 1865 - sudorienta Honduro, Nikaragvo kaj kariba marbordo de Kosta-Riko kaj Panamo.
Referencoj
[redakti | redakti fonton]- BirdLife International 2004. Odontophorus melanotis[rompita ligilo]. 2006 IUCN Ruĝa Listo de Minacataj Specioj. Konsultita la 10an de julio 2007.
| ||||||||||||||||||
