Oliviera zapornio
 | ||||||||||||||
|---|---|---|---|---|---|---|---|---|---|---|---|---|---|---|
| Biologia klasado | ||||||||||||||
| ||||||||||||||
| Zapornia olivieri Grandidier, G & Berlioz, 1929 | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
La Oliviera zapornio (laŭ la latinlingva scienca nomo Zapornia olivieri, kaj ankaŭ Sakalava zapornio) estas malgranda akvobirdo de la familio de Raledoj kaj ordo de Gruoformaj. Ĝi estas endemio de okcidenta Madagaskaro. Tiu birdo estas malgranda kun brunaj supraj partoj, grizaj malsupraj partojn, flavan bekon kaj ruĝajn krurojn.[1]
Ĉefa vivejo de tiu rala specio estas nesalakvaj marĉoj de kareksejoj de Phragmites mauritianus.[2] Ĝi estas klasita kiel Endanĝerita kaj estas minacata pro habitatoperdo pro la detruo de malsekejoj en Madagaskaro.[2]
Aspekto
[redakti | redakti fonton]La Sakalava zapornio estas 19 cm longa, kun grizaj subaj partoj, flava beko kaj ruĝaj okuloj.[1] Tiu rala specio elmontras kelkajn signojn de seksa duformismo de malsamaj korpograndeco kaj koloroj. Maskloj estas pli malgrandaj, pli maldikaj, havas ruĝecbrunajn suprajn partojn kaj brilruĝajn krurojn.[3] Inoj estas pli grandaj, havas brunverdajn suprajn partojn kaj palrozkolorajn krurojn. Junaj kaj nematuraj Sakalavaj raloj aspektas tre similaj al inoj.[3] Kvankam oni produktis 34 mikrosatelitajn lokojn kiuj estas polimorfaj molekulaj signoj por tiu specio, kroma esplorado estas necesa por konfirmi seksan duformismon uzante DNA aŭ voĉanalizon.[3][4]
Habitato
[redakti | redakti fonton]La Sakalava ralo vivas en marĉoj de malferma akvo kaj densaj kareksejoj de Phragmites mauritianus.[2] Tiuj lotusaj marĉoj enhavas ankaŭ multajn flosantajn plantospeciojn kiel la indiĝenaj filikoj (Salvinia), akvolilioj (Nymphaea lotus kaj Nymphaea nouchali) kaj invadaj akvohiacintoj (Eichhornia crassipes).[2]
Referencoj
[redakti | redakti fonton]- ↑ 1,0 1,1 BirdLife International. (2021). “Zapornia olivieri”, IUCN Red List of Threatened Species 2021, p. e.T22692654A194884811. doi:10.2305/IUCN.UK.2021-3.RLTS.T22692654A194884811.en. Alirita 15 October 2023..
- ↑ 2,0 2,1 2,2 2,3 (Marto 2009) “Distribution, habitat and status of 'Endangered' Sakalava Rail of Madagascar”, Bird Conservation International (en) 19 (1), p. 23–32. doi:10.1017/S0959270908008058. 86474531.
- ↑ 3,0 3,1 3,2 Rabenandrasana, Marc. (Februaro 2007) Conservation biology of Sakalava rail Amaurornis olivieri an Endangered Malagasy water bird and public awareness in Besalampy wetlands complex, Western Madagascar. Antananarivo, Madagascar: Ligue Malgache pour la Protection des Oiseaux.
- ↑ (2010-02-13) “PCR primers for microsatellite loci in a Madagascan waterbird, the Sakalava Rail (Amaurornis olivieri)”, Conservation Genetics Resources 2 (S1), p. 273–277. doi:10.1007/s12686-010-9189-2. 36533079.
| ||||||||||||||||||