Omar Youssef Souleimane
| Omar Youssef Souleimane | |
|---|---|
.jpg)
| |
| Persona informo | |
| Naskiĝo | 30-an de novembro 1986 (38-jaraĝa) en Al-Qutayfah |
| Lingvoj | araba • franca |
| Ŝtataneco | Sirio Francio 
|
| Okupo | |
| Okupo | poeto ĵurnalisto kolumnisto
|
Omar Youssef Souleimane [elp. Omar Jusef Sulejman], arabe عمر يوسف سليمان, naskita en 1987 en Al-Qutayfah proksime de Damasko, Sirio) estas siria kaj franca ĵurnalisto, poeto kaj literatura verkisto verkanta en la araba kaj ankaŭ eksterlingve en la franca. En 2011, li devis fuĝi el Sirio pro siaj politikaj vidpunktoj kaj, fuĝinta al Jordanio, de tie fuĝis al Francio kie li vivis en ekzilo ekde 2012. Souleiman eldonis membiografion, romanojn kaj plurajn poemarojn, unue en la araba kaj poste ankaŭ en la franca lingvo. Li ricevis pro siaj verkoj arabajn kaj francajn literaturajn premiojn.
Vivo kaj kariero
[redakti | redakti fonton]Kiel dekjarulo, Souleimane kreskis en Saud-Arabio en religie konservema siria familio. Poste, li studis araban literaturon ĉe la universitato Al-Baath en Homs, Sirio. En tiu lando li ankaŭ laboris kiel ĵurnalisto de 2006 ĝis 2010. Dum la Araba Printempo, li partoprenis en manifestacioj[1].
Post kiam ekestis enlanda milito en Sirio en 2011, Souleiman okupiĝis pri la rezistado, filmante scenojn de sanga subpremo, kiujn li sendis al internaciaj televidkanaloj[2]. Poste li estis serĉata de la sekretaj servoj kaj fuĝis al Jordanio. En 2012, li elmigris al Francio kie li akiris politikan azilon[3]. Tie, li lernis la francan lingvon en kiu li poste verkis.
La atako kontraŭ la franca satira gazeto Charlie Hebdo instigis lin rakonti en la araba la sperton, kiun li havis kiel adoleskanto en Saud-Arabio en Le Petit Terroriste (La eta teroristo) eldonita en 2018, en kiu li defendas la liberecon kritiki la islamismon[4]. En intervenoj ĉe francaj lernejoj li informas junulojn pri la tento de radikalaj politikreligiaj predikoj.
En 2022, li fariĝis franca civitano kaj la sekvan jaron, li eldonis la eseon Être français (Esti franco)[5].
Lia romano Le dernier Syrien (La lasta siriano), aperinta en 2020, li jam verkis en la franca kaj estis tradukita al la itala, germana kaj la angla. En sia recenzo por la germana revuo Qantara, la germana verkisto Volker Kaminski nomis ĝin "romano kiu rifuzas rezigni je la urĝa espero ke la nuna generacio estos "ponto" kiun la sekvanta generacio povas transiri por "akiri (…) demokration" [6].
Verkaro
[redakti | redakti fonton]Romanoj kaj eseoj
[redakti | redakti fonton]- Être français, eseo, eld. Flammarion, 2023,
- Une chambre en exil, romano, eld. Flammarion, 2022,
- Le Dernier Syrien, romano, eld. Flammarion, 2020, ankaŭ eldonita en la itala[7], germana [8] kaj la angla[9].
- Le Petit Terroriste, aŭtobiografio, eld. Flammarion, 2018
Poezio
[redakti | redakti fonton]- Damas, je te salue (Damasko, mi salutas vin), 2024, poemaro ĉefe aŭtobiografia.
- Loin de Damas, tradukita el la araba, 2016,[10]
- L'Enfant oublié, tradukita el la araba, 2016
- La Mort ne séduit pas les ivrognes, dulingva franca kaj araba, 2014
- Il ne faut pas qu'ils meurent, Bejruto, 2013
- Je ferme les yeux et j'y vais, 2010
- Chansons des saisons, Sirio, 2006
Premioj
[redakti | redakti fonton]- Premio Souad Al-Sabah (2010), Kuvajto, por Je ferme les yeux et j'y vais
- Premio Amélie-Murat (2016), Francio, por La mort ne séduit pas les ivrognes
- Prix du poète résistant (2017) Francio, por Loin de Damas.
Referencoj
[redakti | redakti fonton]- ↑ Omar Youssef Souleimane (angle). Alirita 2024-04-24 .
- ↑ En lia libro "Etre français" p. 118
- ↑ Omar Youssef Souleimane (8a de Decembro 2015). Alirita 13a de Oktobro 2017 . .
- ↑ C'est grâce au Coran que je suis devenu athée (france) (4a de Januaro 2018). Alirita 5a de Januaro 2018 . .
- ↑ Omar Youssef Souleimane, fier d'être français (france) (2023-09-30). Alirita 2024-04-24 .
- ↑ . The last Syrian: Dreaming of freedom (angle) (2023-08-01). Alirita 2024-04-24 .
- ↑ L'ultimo siriano – Omar Youssef Souleimane (itale). Alirita 2024-01-03 .
- ↑ Der letzte Syrer | Lenos Verlag (germane). Alirita 2024-01-03 .
- ↑ The Last Syrian (angle). Alirita 2024-04-24 .
- ↑ {{{Titolo}}}, Vivre en poésie (france). ISBN 978-2-37071-090-1..
Vidu ankaŭ
[redakti | redakti fonton]Eksteraj ligiloj
[redakti | redakti fonton]- Oficiala retejo de Omar Youssef Souleimane
- Mohammad kaj Youssef, eltiraĵo de lia romano Le Dernier Syrien, tradukita al la angla de Ghada Mourad.