Oppligen
| Oppligen | |
|---|---|
 | |
| Blazono de Desiswil ĉe Münchenbuchsee | |
| komunumo en Svislando | |
| Kantono | Berno |
| Administra distrikto | Berno-Mezlando |
| Malnova distrikto ĝis 2009 | Konolfingen |
| Geografia situo | CH1903: 612102 / 185471 (mapo)46.8202777777787.5972222222222Koordinatoj: 46° 49′ N, 7° 36′ O; CH1903: 612102 / 185471 (mapo) |
|
| |
| Nombro de loĝantoj | 665 |
| Areo | 3,41 km² |
| Alteco | 560 m super marnivelo |
| Poŝtkodo | 3629 |
| Komunumkodo | 0622 |
 | |
| Mapo de Oppligen | |
Oppligen estis ĝis la 31-a de decembro 2009 komunumo de la distrikto Konolfingen kaj ekde la 1-a de januaro 2010 komunumo de la administra distrikto Berno-Mezlando en Kantono Berno, Svislando. Ĝi havis 665 loĝantojn je la 31-a de decembro 2010.
Geografio
[redakti | redakti fonton]Oppligen situas en la flotebenaĵo de la rivereto Chise, orienta alfluanto de Aro, en la Svisa Mezlando ĉe la marĝeno de la Antaŭalpoj, proksimume 7 kilometrojn norde de Thun. La komunumo konsistas el la vilaĝoj kaj setlejoj Oppligen, Oppligebärgli, Büel, Deiberg, Bir Chise kaj Rotache, kaj kelkaj izolitaj bienoj kaj domgrupoj.[1]
La teritorio de la komunumo etendiĝas sur areo de 3,41 km², de kiuj 32,0% estas kovritaj de arbaro, 54,5% servas por agrikulturo kaj 12,0% por setlado. [2]
Najbaraj komunumoj
[redakti | redakti fonton]La komunumo Oppligen limas en nordo al Wichtrach, en nordoriento al Herbligen, en sudoriento al Brenzikofen, en sudo al Heimberg, kaj en okcidento al Kiesen.
Trafiko
[redakti | redakti fonton]Tra la komunumo pasas la kantona ĉefvojo n-ro 229 de Burgdorf al Thun, kiu ĉe la okcidenta komunumlimo kuniĝas kun la kantona ĉefvojo n-ro 6 de Berno al Thun. De la kantona ĉefvojo n-ro 6 rapidvojo kondukas al la svisa aŭtovojo A6, kiu pasas du kilometre okcidente de la komunumo laŭlonge de Aro. Oppligen mem ne disponas pri konekto al la publika transportreto, la stacidomoj de Brenzikofen kaj Kiesen tamen troviĝas en proksimeco.
Historio
[redakti | redakti fonton]La unua dokumenta mencio de Oppligen datiĝas el la jaro 1006 kiel Oponlengis. [3] En Oppligebärgli estis trovitaj remparo el la bronzepoko kaj en la arbaro Hasliwald romiaj moneroj. En la gruminejo de Kastelo Kiesen estis malkovritaj victombejoj el la frua mezopoko kun armiloj. Ekde la 13-a jarcento aŭ eĉ jam pli frue bienposedanto en Oppligen estis la Monaĥejo Interlaken. Post ties mondigo pro la reformacio de la jaro 1528 Oppligen estis unue atribuita al la tribunalo de Steffisburg kaj samjare pro peto de la vilaĝanoj al la tribunalo Wichtrach sub la alta jurisdikcio de Konolfingen. Post la fino de la Helveta Revolucio en la jaro 1803 Oppligen estis atribuita al la distrikto Konolfingen, kiu en la jaro 2010 estis integrita al la administra distrikto Berno-Mezlando.[4]
Notoj kaj referencoj
[redakti | redakti fonton]- ↑ Fonto: Mapo 1:20000 de Swisstopo[rompita ligilo]
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Portredo de Oppligen en la retejo de la komunumo
- ↑ Fonto: Anne-Marie Dubler: Oppligen en Historia Leksikono de Svislando (2010-09-16)
Eksteraj ligiloj
[redakti | redakti fonton]- Vidu ankaŭ en la Vikimedia Komunejo la kategorion Oppligen – (Kolekto de bildoj kaj plurmediaj dosieroj)
| ||||||
-coat_of_arms.svg)
