Orienta filozofio
La esprimoj Orienta filozofio aŭ Azia filozofio inkludas ĝenerale la diversajn filozofiajn sistemojn de Azio, kaj plej specife, el Suda kaj Orienta Azio, kiel la ĉina filozofio, la hinda filozofio, la budhisma filozofio (hegemonia en Tibeto, Butano, Srilanko kaj Sudorienta Azio), la korea filozofio kaj la japana filozofio.[1][2]
La kategorio de «orienta filozofio» aŭ «azia filozofio» estas fakte produkto de la okcidenta kulturo de la 19a jarcento kaj tute ekzistis nek en Orienta Azio nek en Hindio. Tio estas memkomprenebla ĉar en Azio ne ekzistas unusola filozofia tradicio unuigita en unusola radiko,[3] sed variaj unuopaj tradicioj kiuj nur foje estis en kontakto.