PEGIDA
| PEGIDA | ||
|---|---|---|
| ||
| ||
politika movado 
| ||
| Komenco | 20-a de oktobro 2014 vd | |
| Lando(j) | Germanio vd | |
| Sidejo | Dresdeno | |
| Ideologio |
islamofobio • opozicio al enmigrado • germana naciismo • dekstra popolismo | |
| Fondinto(j) | Lutz Bachmann vd | |
| Retejo | Oficiala retejo | |
| Jura formo | registrita asocio de Germanio | |
La organizaĵo Patriotische Europäer gegen die Islamisierung des Abendlandes (mallonge PEGIDA aŭ Pegida), en Esperanto "Patriotaj Eŭropanoj kontraŭ la Islamigo de la Okcidento", estas registrita klubo en Germanio, kiu antaŭvidas kaj kontraŭas laŭdiran "islamigon" de Germanio kaj de tuta Eŭropo. La gvidaj membroj de la klubo ekde la 20-a de oktobro 2014 ĉiusemajne en la orientgermania urbo Dresdeno organizas demonstraciojn kontraŭ la laŭ ilia opinio malĝusta politiko de la registaro de Germanio kaj de la Eŭropa Unio pri akcepto de enmigrintoj kaj pri la dono de azilo. Similaj demonstracioj kelkajn semajnojn poste ankaŭ ekokazis en aliaj urboj de Germanio, kaj aldoniĝis demonstracioj kontraŭ la ksenofobia movado, ofte – ekzemple jarfine en Kolonjo – laŭ la nombro de protestantoj multe pli grandaj ol la protestoj de la ksenofobiuloj.
Dum la unuaj semajnoj de la protestoj la gvidantoj de la klubo rifuzis publikajn dialogojn kun eblaj malsamideanoj, malakceptis intervjuojn kun ĵurnalistoj kaj nomis la germaniajn amaskomunikilojn "mensoga gazetaro". Tial kritikantoj de la klubo malsamopinie diskutis, ĉu oni penu pri dialogo kun la klubanoj kaj ĉu eblus tia dialogo. Sociaj sciencistoj juĝas la demonstracianojn parte burĝe konservativaj, parte dekstre populismaj ĝis dekstre ekstremismaj. La prezidanto de Germanio Joachim Gauck, la federacia kancelierino Angela Merkel, reprezentantoj de religiaj organizaĵoj en Germanio kaj pliaj organizaĵoj avertas pri la sociaj danĝeroj, kiujn povas krei la ksenofobio kaj parte rasismo subtenata en la demonstracioj, kiuj riskas radikaligi partojn de la socio fakte plurkultura kaj por kaj kontraŭ ksenofobio.
Politikaj postuloj
[redakti | redakti fonton]Ekde novembro 2014 la organizantoj en la demonstracioj prezentis politikajn postulojn, kiuj estis disdonitaj sur paperfolioj. Inter la postuloj estas la jenaj:
- La enmigroj al Germanio estu kontrolataj per sistemo de poentoj laŭ la ekzemplo de Kanado.
- Personoj sen restorajto estu konsekvence forigataj el la lando.
- Estu "strategio de nula toleremo" kontraŭ enmigrintoj kiuj juĝiĝis kulpaj pri malobeo de oficialaj leĝoj.
- La limkontroloj estu fortigataj, por pli efike malebligi la reenmigron de forsenditoj.
- Kaj estas emocia pledo savi kaj protekti la "identecon de la kristanisma-judisma kulturo de la okcidento".[1]
La kutime lasta postulo de novembro kaj decembro 2014 estis la frazo: „Es muss für uns wieder normal sein, öffentlich die Liebe zu seinem Vaterland zum Ausdruck zu bringen! Gegen Antipatriotismus!“ ("Devos por ni denove esti normala, publike esprimi la amon je sia patrolando! Kontraŭ kontraŭpatriotismo!"). Tiu frazo ekzemple en la demonstracio de la 17-a de novembro ricevis la plej fortan aplaŭdon.[2] Publikaj parolantoj en la demonstracioj krome postulis finon de la "misuzo de azildono", sed esprimis subtenon je "akcepto de militaj fuĝintoj".[3]
Vidu ankaŭ
[redakti | redakti fonton]Eksteraj ligiloj
[redakti | redakti fonton]- paĝo de PEGIDA en la socia retejo Facebook
- paĝo PEGIDAWATCH, same en la socia retejo Facebook
- prezento de Pegida kaj aliaj kontraŭ-azildonaj protestoj en la socialdemokrata centro Herbert-Wehner-Bildungswerk en Dresdeno la 9-an de decembro 2014
- programo Panorama de la ŝtata televida kanalo ARD: Kontaktversuch: „Lügenpresse“ trifft Pegida, unua kaj; dua partoj Arkivigite je 2014-12-25 per la retarkivo Wayback Machine la 15-an de decembro 2014
- publika diskuto "Soziologische Deutungen" ("socisciencaj interpretoj"), la 18-an de decembro 2014 en la kunvenejo Motorenhalle en Dresdeno
- retejo Focus Online: eseo Was will Pegida wirklich? ("Kion Pegida vere volas?") la 18-an de decembro 2014
- Provo de dialogo inter porantoj kaj kontraŭantoj en la Saksia Landa Centro pri Politika Eduko en Dresdeno, la 6-an de januaro 2015]
Referencoj
[redakti | redakti fonton]- ↑ germane: "Bewahrung und Schutz der Identität unserer christlich-jüdischen Abendlandkultur", citata ekzemple en la artikolo AfD-Führung zerstreitet sich wegen Pegida-Bewegung, de la gazeto Die Welt, la 6-an de decembro 2014
- ↑ artikolo Fünfte „Pegida“-Demonstration: Mehrere tausend Menschen ziehen durch Dresden ("kvina Pegida-demonstracio: plurmil homoj piediras tra Dresdeno"), retejo de la regiona televida korporacio MDR la 18-an de novembro 2014
- ↑ artikolo „Patrioten“ gegen Glaubenskriege: Kampf der Kulturen (""patriotoj" kontraŭ religiaj militoj: lukto inter la kulturoj"), en la retejo Freie Presse la 18-an de novembro 2014