Palasa emberizo
 | ||||||||||||||
|---|---|---|---|---|---|---|---|---|---|---|---|---|---|---|
.jpg) Palasa emberizo
| ||||||||||||||
| Biologia klasado | ||||||||||||||
| ||||||||||||||
| Emberiza pallasi (Cabanis, 1851) | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
La Palasa emberizo, Emberiza pallasi, (konata ankaŭ kiel Palasa kanemberizo) estas birdo de la grupo de emberizoj el la ordo de paseroformaj birdoj kaj genro de la familio de Emberizedoj kiu iam estis enmetitaj en Fringedoj.
Ili reproduktiĝas en norda kaj centra Azio al Mongolio. Ĝi estas migranta specio, kiu vintrumas en sudorienta Azio. Ĝi estas tre rara vaganto en okcidenta Eŭropo, sed ĝi estis foje tiom okcidenten kiom ĝis Granda Britio.
Angla teatristo Bill Oddie identigis la unuan birdon en Britio.
Ĝi estas komuna en arbustaro de tundro ĉe akvo, kaj reproduktiĝas ankaŭ en pli sekaj malfermaj areoj kiaj malfermaj arbaroj de lariko.
La Palasa emberizo estas malgranda paserina birdo, simila al malgranda Kanemberizo. Ĝi havas malgrandan bekon de semomanĝulo. La masklo havas nigrajn kapon kaj gorĝon, dividitajn per tre kontraste blankaj mustaĉa strio, kolumo kaj nuko, krom ankaŭ blankaj subaj partoj, kaj tre strieca (nigrablanke) griza dorso (dum la Kanemberizo havas pli brunan dorson). La kruroj estas rozkoloraj. La ino estas multe pli senkolora, kun pli striecaj brunaj kapo kaj dorso. Ĝi estas malpli strieca sube ol la ino de la Kanemberizo.
La kanto de la masklo estas ripeteca ŝerp.
Ties natura manĝo konsistas el insektoj dum idomanĝigado, kaj for de la reprodukta sezono el semoj. La nesto estas en arbusto. La ino demetas 2-5 ovojn, kiuj montras la harecajn markojn karakterajn de la emberizoj.
Tiu birdo ricevis ambaŭ nomojn (kaj komuna nomo kaj la latina scienca nomo) laŭ la germana zoologo Peter Simon Pallas.
Referencoj
[redakti | redakti fonton]- BirdLife International (2004). Emberiza pallasi. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 12a Majo 2006. Malplej Zorgiga.
- One Flew into the Cuckoo's Egg de Bill Oddie
| ||||||||||||||||||
