Saltu al enhavo

Peder Sørensen

Pending
El Vikipedio, la libera enciklopedio
Petrus Severinus
(1542-1602)
"Collectanea chymica medico-philosophico-polonica", verko de Peder Sørensen (1540–1602), eldonita en (1698).
"Collectanea chymica medico-philosophico-polonica", verko de Peder Sørensen (1540–1602), eldonita en (1698).
Persona informo
Naskiĝo 1542
en Ribe, Danio
Morto 28-a de julio 1602
en Kopenhago, Danio
Ŝtataneco Danio-Norvegio Redakti la valoron en Wikidata vd
Alma mater Universitato de Kopenhago
Universitato de Padovo
Universitato de Parizo
Profesio
Okupo kuracisto
kemiisto
alkemiisto Redakti la valoron en Wikidata vd
vd Fonto: Vikidatumoj
v • d • r

Peder Sørensen (1542-1602) estis dana kuracisto, kemiisto, alkemiisto kaj unu el la plej brilaj disĉiploj de Paracelsus. Li iĝis kirurgo-serĝento sub la komando je Frederiko la 2-a (1534-1588), en 1571, tiam, iom poste, sub Kristiano la 4-a (1577-1648).

Biografio

[redakti | redakti fonton]
La filozofia ideo pri medicino, enhavanta la fundamentojn de la tuta doktrino de Paracelsus, Hipokrato kaj Galeno, verko eldonita de Petro Severino, en 1571.

Peder Sørensen, pli konata sub lia latina nomo Petrus Severinus, naskiĝis en la dana urbo Ribe sur la okcidenta marbordo de Jutlando ĉirkaŭ 1542 aŭ 1540. Ĉi tiuj du jaroj estas cititaj en tekstoj de la 17-a jarcento. Ribe estis prospera urbo pro la graveco de la komerco inter la bienoj de Jutlando kaj la sudaj merkatoj.

Ĝi ankaŭ estis haveno, kiu subtenis regulan komercon kun Nederlando, Anglio kaj aliaj havenoj ĉe la frisa marbordo. Ribe ankaŭ estis administra centro kun la katedralregistaro, kiu estis unu el la plej gravaj en Danio de la 16-a jarcento.

La gepatroj de Severinus verŝajne estis prosperaj kaj bonstataj, kaj kiel aliaj infanoj, Severinus enskribiĝis en la latina lernejo en la Katedralo de Robe antaŭ ol iri al universitato eksterlande aŭ al Kopenhago. Post la reformacio, la katolika hierarkio estis anstataŭigita de luteranaj majstroj kaj administrantoj, sed la instruplano malmulte ŝanĝiĝis.

La Katedralo de Ribe estis administrita fare de kelkaj el la plej grandaj reformitaj humanistoj de la 16-a kaj 17-a jarcentoj, kaj aparte Hans Tausen (1494-1561)[1], Peder Hegelund (1542-1614)[2], kaj Jens Dinesen Jersin (1588-1634)[3] kiuj donis al Severinus la plej bonan edukon haveblan en Danio en tiu epoko.

Sørensen estas la aŭtoro de "Idea medicinæ philosophicæ" (1571). Li precipe plibonigas la ideon de Paracelsus (1493-1541) pri la ĉeesto de nevideblaj agentoj, kaŭzoj de la malsanoj, kiu establas la superecon de la ideoj de Paracelsus super tiuj de Galeno.

Severinus estis membro de la intelekta elito de Danio. Lia eduko estis subtenata de la dana krono kaj lia salajro kiel reĝa kuracisto donanta al li statuson kaj aŭtoritaton por lia laboro kaj liaj opinioj. Li estis samtempulo kaj persona partnero de Tycho Brahe, kiu ankaŭ estis asociita kun la evoluo de kemio dum la 17-a jarcento.

Daniel Sennert, profesoro en la Universitato de Wittenberg, skribis, en 1619, ke plej multaj kemiaj kuracistoj sekvis la instruadon de Severinus kaj eĉ aludis al la "lernejo de Severinus" kiel medicina teorio, kiu baziĝis sur la filozofio de Paracelsus. La nunaj studentoj, kiuj inkluzivas Jole Shackelford[4] kaj Hiro Hirai[5], asertis, ke Severinus estas grava antaŭulo de kaj Jan Baptista van Helmont kaj Pierre Gassendi.

Verkaro

[redakti | redakti fonton]

Literaturo

[redakti | redakti fonton]

Vidu ankaŭ

[redakti | redakti fonton]

Referencoj

[redakti | redakti fonton]
  1. ↑ Den Store Danske
  2. ↑ Dansk Biografisk Leksikon
  3. ↑ Dansk Biografisk Leksikon
  4. ↑ Cambridge University Press
  5. ↑ An Alchemical Quest for Universal Knowledge
  6. ↑ Norsk Biografisk Leksikon
Bibliotekoj
Elŝutita el "https://eo.wikipedia.org/w/index.php?title=Peder_Sørensen&oldid=8734054"