Pelit
| Pelit | |
| |
| revuo | |
|---|---|
| Periodeco | Ĉiumonata |
|
| |
| Lando |  Finnlando
|
| Urbo | Helsinko |
| Posedanto | Fokus Media Finland |
| Establodato | 1992 |
|
| |
| Retejo | http://www.pelit.fi |
Pelit (esperante "Ludoj") estas finnlanda videoluda revuo eldonita en Helsinko, Finnlando.[1]
Historio[redakti | redakti fonton]
Pelit estis kreita en 1987, origine kiel jara ekstra publikaĵo pri videoludoj por MikroBitti kaj C-lehti. Alia jara numero estis publikigita en 1988, kaj en 1989 ĝi iĝis duonjara eldono. En 1992, la teamo fine lanĉis Pelit kiel memstaran magazinon kun ĉiumonataj numeroj.[2]
La aspekto kaj enhavo de Pelit estis plurfoje reviziitaj tra la jaroj. Gvidiloj por ludoj ekzemple ĉesis, kiam la intereso pri aventuraj kaj malnovstilaj rolaj videoludoj malfortiĝis. Bildstria serio, KyöPelit, komenciĝis en 1993. Origine la revuo kovris kvar komputilplatformojn, sed la pritraktado de la Amiga, Commodore 64 kaj Atari ST progrese maldensiĝis ĉar la merkata parto de tiuj komputiloj malkreskis. La plej rimarkindaj ŝanĝoj al la revua formato estis la kreado en 1998 de frata revuo pri PlayStation, Peliasema, kaj poste la kunfandado de la du revuoj pro la kresko de la konsola merkato kaj la malfortiĝo de la komputila ludmerkato.
La revuo publikigis 11 numerojn ĉiujare dum sia kontrolo far Sanoma Magazines, subdivido de Sanoma. La grupo fine vendis la revuon al Fokus Media Finland la 1-an de septembro 2014.[3]
La ĉefredaktoro de Pelit longe estis Tuija Lindén. La teamo ankaŭ inkludis Niko Nirvi kaj la bildstriiston Wallu. Jyrki Kasvi pasigis plurajn jarojn kiel ludo-recenzisto kaj kolumnisto sub la pseŭdonimo Wexteen la Sorĉisto, antaŭ ol eniri politikon kaj iĝi membro de la Parlamento de Finnlando inter 2003 kaj 2011. La recenzoj de Pelit estas listigitaj sur Metacritic.[4]
La vendokvanto de la monata revuo estis 26,245 kopioj en 2011.[5] La gazeto havis cirkuladon de 21,469 kopioj en 2013.[6]
Referencoj[redakti | redakti fonton]
- ↑ "Pelit Factsheet", Publicitas.
- ↑ Tuukka Taarluoto (Fall 2007) Writing Games. A Study of Finnish Video Game Journalism. University of Tampere. Arkivita el la originalo je 11 June 2016. Alirita 2 June 2016.
- ↑ "Sanoma Media Finland sells four titles to Fokus Media Finland", Adnative, 11 June 2014.
- ↑ Pelit (Finland)'s Scores. Metacritic. Alirita 4 June 2012.
- ↑ Circulation Statistics 2011. Media Audit Finland. Arkivita el la originalo je 25 July 2019. Alirita 13 December 2014.
- ↑ Circulation Statistics 2013. Media Audit Finland (23 June 2014). Arkivita el la originalo je 29 March 2017. Alirita 12 April 2015.