Peter Kuenstler
| Peter Kuenstler | |
|---|---|
| Persona informo | |
| Naskiĝo | 1-an de januaro 1919 en Hampstead (Londono) |
| Morto | 1-an de januaro 2010 (91-jaraĝa) en Ateno (Grekio) |
| Okupo | |
| Okupo | ŝtata funkciulo 
|
Peter KUENSTLER (naskita decembre de 1919 en londona kvartalo Hampstead kaj mortinta la 16-an de novembro 2010 en Ateno, Grekio) estas iama brita ŝtatoficisto, eŭropa oficisto kaj konsultisto en internaciaj sociaj aferoj kaj evoluo. Post mezlernejaj jaroj en internulejo de la privata lernejo Rugby School, li studis klasikajn studojn en Oriel College, Oksfordo. Malgraŭ la germanece aspekta nomo, ne konatas familiaj radikoj en Germanlingvio.
Kariero
[redakti | redakti fonton]- De 1940 ĝis 1948, kiel militserva rifuzanto, plentempa volontula junulara laboro ĉe en la eklezia domo Oxford House en Bethnal Green, kvartalo en la londona distrikto Tower Hamlets.
- De 1948 ĝis 1955, esplora kunlaboranto en junulara socia laboro ĉe la Instituto de Edukado en la universitato de Bristolo. Direktoro de junulolaboraj trejnaj kursoj ĉe la Internacia Popola Kolegio, Elsinoro (Helsingør); Danio, konsultisto al britaj kaj usonaj okupaciaj administracioj en okcidenta Germanio, kaj al la guberniestro de la Uganda Protektorato.
- De 1955 ĝis 1964, sekretario de la Afrika Evoluo-Fondaĵo en Londono, ankaŭ prelegante ĉe la Sekcio de Sociaj kaj Administraj Studoj en la universitato de Oksfordo, kaj nome de la londona altlernejo London School of Economics UN-konsilisto pri komunuma evoluo al la Registaro de Grekio. Direktoro de kurso por afrikaj oficistoj donita de la Germana Fondaĵo por Evolulandoj en Okcidenta Berlino.
- De 1964 ĝis 1979, interregiona konsilisto pri Junularo de la Unuiĝintaj Nacioj en Ĝenevo[1] kaj konsilisto de la registaro de Bocvano pri junularo kaj komunuma evoluo.
raporto de la TEJO-seminario kadre de la IJK de julio 1979
- En 1980, alvojaĝanta profesoro ĉe la Lernejo de Altnivelaj Sociaj Studoj de la Universitato Case Western Reserve en Klevlando, Usono. Samtempe de 1980 ĝis 1982, sekretario de laborgrupo ĉe la fondaĵo Gulbenkian en Londono.
- De 1982 ĝis 1993, direktoro de la centro por laboriniciatoj en Londono kaj Bruselo, inkluzive de pli ol 30 konsultoj kade de la Eŭropa Komisiono en malsamaj landoj.
- Ekde tiam, li gvidis konsilajn misiojn al landoj en Orienta Eŭropo.
Cetere en 1979 li estis unu el la ĉefaj eksteraj prelegistoj en la tema programo de la 35-a Internacia Junulara Kongreso de TEJO en Austerlitz, Nederlando, kiu organiziĝis en la formo de subvenciita TEJO-seminario.[1]
Referencoj
[redakti | redakti fonton]- ↑ 1,0 1,1 "interŝtataj uniĝoj - kiucele?", raporto de la TEJO-seminario kadre de la IJK 1979, red. de Ian Tarrant, Neven Kovačić, Ian Jackson, Sylvaine Bourrely kaj Kristin Tytgat; publikigita dum marto 1980 en Pisa (jen esperante, sed ankaŭ angle kaj france)
