Frumatena vido al la ankoraŭ senhoma placo, kiu estos dum kelke da horoj plenigita de preterirantaj turistoj
Placo de la Krucanoj (ĉeĥeKřížovnické náměstí) apartenas al la plej malgrandaj placoj en Prago. Ĝi estas limigata per la fronto de l' preĝejo de la Savinto (13), la frubaroka preĝejo de Sankta Francisko kaj la Malnovurba pontoturo (15), vera juvelo de ĉeĥa altgotiko el la epoko de Karolo la 4-a. La preĝejo de Sankta Francisko, aparteninta al la ordeno de Kruckavaliroj, estis konstruita dum la dekjaro 1679-89 laŭ planoj de la franca baroka arkitekto-konstruisto Jean Baptiste Mathey. La pentraĵo de la kupolo, la "Lasta juĝo" estas verko de V. V. Reiner (1722-23). La okcidentan flankon de la preĝejo tuŝas la frubaroka sidejo de la generaloj de la Kruckavalira ordeno (1681-62), al kiu la dua etaĝo estis aldonita en 1846. Antaŭ la preĝejo staras monumento de Karolo IV, skulptaĵo de A. Hähnel el Dresden (1848). Maldekstre de la portalo staras vinkolono portanta la statuon de Sankta Venceslao, verko de J. J. Bendel (1676).
Vikimedia Komunejo: Křižovnické náměstí (Prague) [+]
