Preĝejo Sankta Roĥo (Szeged)

Kirko Sankta Roĥo
Kirko Sankta Roĥo
	Paroĥa kirko Sankta Roĥo en Szeged
paroĥopreĝejo • katolika preĝejo
Loko
Ŝtato	Hungario
Municipo	Szeged
Geografia situo	46° 15′ 33″ N, 20° 8′ 18″ O (mapo)46.259254520.1382949Koordinatoj: 46° 15′ 33″ N, 20° 8′ 18″ O (mapo)
Bazaj informoj
Religio	kristanismo
Rito	romkatolika eklezio
provinco	Csongrád
diocezo	Szeged-Csanád
dekanujo	Szeged
Arkitektura priskribo
Konstrustilo	novgotiko
Konstruado	1905–1909
Specifo
Konstrumaterialo	masonita
Mapo
Kirko Sankta Roĥo (Segedo)
Kirko Sankta Roĥo (Centra Segedo)
Ligiloj
	v • d • r

Kirko Sankta Roĥo estas romkatolika konstruaĵo en Hungario, en Szeged, en loĝkvartalo Rókus (=Roĥo).

Historio

En 1738 pro pesto multaj mortis en Szeged. En la sekva jaro oni konstruis votan kapelon omaĝe al Sankta Roĥo. En 1805 paroĥo estis fondita. Inter 1829 kaj 1833 jam kirko estis konstruita en la sama loko, sed la oftaj inundoj faris damaĝojn. La nun videbla preĝejo estis konstruita en la 1900-aj jaroj anstataŭ la malnova.

Dum la socialismo disvastiĝis famo, ke floro en mano de skulptaĵo de Sankta Maria videbla en la kirkokorto freŝiĝis. Por fini la miraklon la ŝtato amputis la manon. Depost la socialismo la mano estis regluita kaj ofte oni metas florojn en la manon.

Konstruaĵo

La preĝejo situas sola laŭ placo en korto, sed proksime de la trotuaro. En la korto estas 2 skulptaĵoj, la supre menciita Sankta Maria, la alia estas Kristo. Ambaŭ estis faritaj el majoliko en Pécs, en uzino de Vilmos Zsolnay. Malgranda ŝtuparo etendiĝas antaŭ la simetria fasado. Malantaŭ la ŝtuparo ornama ĉefenirejo estas videbla kune kun reliefo pri Kristo, Sankta Roĥo kaj Sankta Petro. Pli supre estas granda fenestrorozo. Flanke po unu turoj altiĝas. Malantaŭ la fasado ĉefnavo etendiĝas, kiun alia navo krucas antaŭ la sanktejo. La altara bildo prezentas Sanktan Roĥon, kiam li flegas pestomalsanulojn. En la navaj niĉoj oni metis skulptaĵojn pri Sankta Maria kaj Stefano la 1-a (Hungario). La bapta vazo devenas el la pli frua kirko.