Rachid Koraichi
| Rachid Koraichi | |
|---|---|
| Persona informo | |
| Naskiĝo | 1-an de januaro 1947 (77-jaraĝa) en Ain Beida |
| Lingvoj | araba |
| Loĝloko | Tunizio • Francio |
| Ŝtataneco | Alĝerio 
|
Subskribo 
| |
| Okupo | |
| Okupo | pentristo gravuristo
|
Rachid Koraichi (ankaŭ Rachid Koraïchi aŭ Rashid Koraichi; * 1947 en Ain Beida en orienta Alĝerio) estas alĝeria skulptisto, tekst-arta pentristo, kaligrafiisto kaj vida artisto, konata tutmonde pro sia uzo de vortoj, nombroj, signoj, kulturaj simboloj kaj kaligrafio en siaj artaĵoj[1]. Antaŭ la 20-a jarcento la influo de okcidentaj lingvoj kreis sociajn kaj politikajn streĉiĝojn. Antaŭ 1950 kaligrafio fariĝis simbolo de kultura kaj politika identeco kontraŭ koloniismo. En 1960 la movado de la literismo prosperis, kiam "pentri per literoj" fariĝis la reganta maniero de arta esprimo[2].
La simboloj kiujn Rachid Koraichi uzas estas bazitaj sur arabaj kaj berberaj skribaĵoj, magiaj nomsistemoj kaj ĉinaj kaj japanaj signoj same kiel sur kriptogramoj kiujn li mem inventis. Li laboras sur kanvaso, papero, ceramiko, vitro, metalo kaj silko[2].
Vivkuro
[redakti | redakti fonton]Koraichi devenas de sufiisma familio. Li bone konis la malnovajn grafikajn tekstojn de la arab-islama tradicio ekde sia junaĝo kaj konatiĝis kun la rokpentrado en Tasilin-Aĝer en Alĝerio. Li komencis siajn studojn en Alĝerio ĉe la École des beaux arts d'Alger antaŭ ol iri al Parizo por plustudi tie ĉe la École nationale supérieure des arts décoratifs de Paris.
Ekde 1970 la verkoj de Koraichi estas videblaj en ĉiuj mondopartoj. Liaj desegnaĵoj, en kiuj li tre ofte uzas araban kaligrafion, ilustras pli ol dekduon da publikaĵoj de francaj kaj internaciaj poetoj.
Koraichi loĝas en Parizo kaj en la malnova urbo Tunizo en Tunizio .
Ekspozicioj
[redakti | redakti fonton]- 2001: Beirut's Poem and The Path of Roses (Poemo de Bejruto kaj La Pado de Rozoj), Nacia Galerio de Belartoj, Amano, Jordanio
- Une nation en exil (Nacio en ekzilo), Palaco de la Unuiĝintaj Nacioj, Bejruto, Libano.
- Aŭtenta / Ekscentra. Venecia Bienalo, Venecio, Italio.
- 2006: 2006 : Word into Art: Artists of the Moderne Middle East (Vorto en arto: artistoj el la moderna Mezoriento), Brita Muzeo, Londono, Anglio[3].
- 2011: Instalado: The Path of Roses (La Pado de Rozoj), Emirates Place, Abudabio, Unuiĝintaj Arabaj Emirlandoj.
Ilustraĵoj
[redakti | redakti fonton]- 1991: kun Nicole de Pontcharra kaj Pierre Restany : Cris Ecrits, Éditions de Lassa, Bruselo.
- 1997: kun Nicole de Pontcharra kaj Roxanne Hodes: Lettres d' Argile, Éditions Corrinne Maeght, Nîmes.
- 2006: Bernard Perroy: Cœr à cœr, 49 hajkoj kaj 49 desegnaĵoj, Éditions Al Manar, Neuilly, Francio.
- 2009: kun Mahmud Darwisch: Une nation en exil: Hymnes gravés suivi La Qasida de Beyrouth, Actes Sud, Arles, Francio kaj Éditions Barzakh, Hydra, Alĝero, Alĝerio, ISBN 978-9947-851-61-6 .
- 2010: Alberto Manguel: Histoires classiques, tri rakontoj kun tri desegnaĵoj, araba/franca, Éditions Al Manar, ISBN 978-2-913896-44-4 .
- 2010: kun Manlibro Roche: Chevaucher la nuit, novelo, Èditions al Manar, Neuilly, Francio.
Verkaro
[redakti | redakti fonton]La verkaro de Koraichi enhavas poemojn kaj citaĵojn de sufiismaj mistikuloj kiel Rumi kaj Al-Arabi (en: wikipedia) kaj la palestina poeto Mahmud Darwisch.
Liaj verkoj formas parton de la kolektoj de renomaj muzeoj en Londono, Parizo, Tuniso, Bagdado. kaj Amman.
Referencoj
[redakti | redakti fonton]- ↑ Omid Memarian, “Afrika arto nutris ĉiujn civilizaciojn”: konversacio kun alĝeria artisto Rachid Koraichi", Global Voices Esperanto, la 10-an de julio 2020.
- ↑ 2,0 2,1 (en) Banner Af1997,08.2 - Curator's comments, British Museum;
- ↑ (en) British Museum - Word into Art: Artists of the Modern Middle Arkivigite je 2017-01-12 per la retarkivo Wayback Machine, British Museum
Tiu ĉi artikolo estas parta traduko de la artikolo Rachid Koraichi en la germana vikipedio, listo de aŭtoroj.
Literaturo
[redakti | redakti fonton]- (en) Rachid Koraïchi & Ferrante Ferranti: Invisible Masters (Paris, 2016); Houghton, G. (eld.),
- (en) Rachid Koraïchi: Eternity is the Absence of Time (London, 2011);
- (fr) Koraïchi, R, Une Nation En Exil (Paris, 2009);
- (fr) Koraïchi, R, Les Ancêtres Liés Aux Étoiles (Paris, 2008);
- (en) Porter, V, Word into Art: Artists of the Modern Middle East (Dubai 2008), BMP, 2008 (148 p.);
- (en) Ali, W, Modern Islamic Art: Development and Continuity (Florida, 1997);
- (en) Ali, W, Contemporary Art From the Islamic World (Amman, 1989)
- (en) Karl Kempton, A history of visual text art, Apple Pie Editions, Manchester-Berlino, ISBN 978-1-909388-24-6
Eksteraj ligiloj
[redakti | redakti fonton]- Retejo de Rachid Koraichi Arkivigite je 2020-07-12 per la retarkivo Wayback Machine de Hejmpaĝo Arkivigite je 2020-07-12 per la retarkivo Wayback Machine
- Vivkuro de la artisto