Roka glareolo
 | ||||||||||||||
|---|---|---|---|---|---|---|---|---|---|---|---|---|---|---|
.jpg)  | ||||||||||||||
| Biologia klasado | ||||||||||||||
| ||||||||||||||
| Glareola nuchalis Gray, 1849 | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
La Roka glareolo (Glareola nuchalis ), estas eta vadbirdo de la familio de glareoloj nome Glareoledoj el la ordo de Ĥaradrioformaj.
Disvastiĝo
[redakti | redakti fonton]La Roka glareolo estas loĝanta birdo kiu reproduktiĝas en Afriko, en du malsimilaj teritorioj nome kelkaj landoj de la golfo de Gvineo kaj valo de rivero Kongo kaj sudoriente.
Aspekto
[redakti | redakti fonton]
Temas pri vadbirdo de tre specifa konturo. La roka glareolo havas mallongajn krurojn, longajn pintajn flugilojn -pli malhelaj ĉepinte- kaj forkoformajn vostojn. Ili havas mallongajn bekojn kio estas adaptiĝo al aera manĝado; pli precize la beko estas mallonga, dika ĉebaze kaj meze kaj tre akrapinta subenkurvita; krome ĝi estas nigra, kaj iomete ruĝa en komenco de ambaŭ makzeloj. La kapo, brusto, dorso kaj la flugiloj estas grizaj. La ventro kaj la pugo estas blankaj. Videblas nigra strimakulo el la beko ĝis la nigra okulo kaj -la plej karaktera eco- ĝi iĝas tutblanka strio malantaŭ la okulo kaj ĝis la nuko. La kruroj estas ruĝecaj. Surgrunde tiu birdo estas gracie preskaŭ unukolora malhelgriza.
Kutimoj
[redakti | redakti fonton]Ties plej nekutima eco inter birdoj klasitaj kiel vadbirdoj estas ke ili ĉasas ties predojn inter insektoj dumfluge kiel hirundedoj, kvankam ili povas manĝi ankaŭ surplanke per rapida kurado. Ties mallongaj bekoj estas adaptiĝo al aera manĝado.
La ino demetas 2-4 ovojn en grunda truo.
Tiuj estas birdoj de malferma kamparo kaj estas vidataj ofte apud akvo vespere gvatantaj insektojn.
