Sólo para hombres
| Sólo para hombres | |
|---|---|
| filmo | |
| Originala titolo | Sólo para hombres |
| Originala lingvo | hispana lingvo |
| Kina aperdato | 1960 |
| Ĝenro | komedia filmo |
| Reĝisoro(j) | Fernando Fernán Gómez |
| Produktisto(j) | José Luis Dibildos |
| Scenaro | Miguel Mihura • Fernando Fernán Gómez |
| Muziko de | Antón García Abril |
| Rolantoj | Analía Gadé • Elvira Quintillá • Fernando Fernán Gómez • Rafaela Aparicio • Maite Blasco • Pilar Gómez Ferrer • Julia Delgado Caro • José Orjas • Erasmo Pascual Colmenero • Pedro Fenollar • Rosario García Ortega • Ada Tauler |
| IMDb | |
Sólo para hombres (Nur por viroj) estas hispana filmo reĝisorita de Fernando Fernán Gómez (1960). Ĝi estas adaptaĵo de la teatra komedio de Miguel Mihura nome ¡Sublime decisión! (1955).
Intrigo
[redakti | redakti fonton]La filmo rakontas la historion de juna belulino (Analía Gadé) kiu decidas eklabori, kontraŭ la tiamaj kutimoj kaj konvencioj (fino de la 19- jarcento) dediĉi sin nur al serĉado de edzo, plej necese ĉar ŝia patro ne laboras. Oni havigas al ŝi la oportunon eklabori kiel eksperimento en un ministeria oficejo, kie ŝi rekonas iaman pretendanton Pablo Meléndez (Fernando Fernán Gómez) kiu ne estas tio kion li ŝajnis. Tuj la pionira apero de virino en la masklisma etoso de la burokrataro okazigas tutlandan skandalon.
Ŝia dungo en la Ministerio kunportis ankaŭ la novaĵon de la fontoplumo; pere de tiu kaj de sia propra laboremo, kontrasta kun la mallaboremo de ĉiuj tieaj viroj, Florita sukcesas tuj solvi ĉiujn aferojn de sia oficejo, krom tiujn de aliaj oficejoj kaj finfine de aliaj ministerioj. Sed pro ŝiaj beleco kaj efikecego, ĉiuj kolegoj deziras apudi, kio rezultas en problemoj kaj kvereloj, kaj finfine en ŝia maldungo.
Dume ŝi fianĉigis kun Pablo Meléndez, kiu antaŭ koni ŝin ŝajnigis sin riĉulo por ricevi invitojn kaj senpage manĝi ĉe fraŭlinoj. Kvankam ili plana geedziĝi, registaraj ŝanĝoj rezultas ankaŭ en lia maldungo. Estante ambaŭ maldungitaj, la geedziĝo devas prokrastiĝi. Sed novaj registaraj ŝanĝoj kreas oficejon komponitan nur de virinoj kies estro estos Florita mem. Sed tio ne okazos senprobleme.
Gektoraro kaj roluloj
[redakti | redakti fonton]- Analía Gadé ... Flora Sandoval, la juna belulino
- Fernando Fernán Gómez ... Pablo Meléndez, lia pretendanto
- Elvira Quintillá ... Felisa, la servistino
- Juan Calvo ... Don Claudio
- Manuel Alexandre ... Manolo Estévez, amiko de Pablo
- Joaquín Roa ... José
- Rosario García Ortega ... Matilde
- Erasmo Pascual ... Justo Hernández de la Barquera, la oficeja vicestro
- José María Lado ... Deputito
- José Orjas ... Requena
- Maite Blasco
- Ena Sedeño
- Rafaela Aparicio ... edzino de Justo
La filmo
[redakti | redakti fonton]La filmo estis tre oportuna kritiko de masklismo, burokrata malefikeco, interveno de politikistoj en la administracio kaj aliaj misoj fakte de la frankisma diktaturo, en kiu oni realigis kaj publikigis la filmon, sed kun agado okazanta pli ol duonjarcento antaŭe por ŝajnigi, ke ne temas pri aktualaj aferoj, kaj tiel eviti la frankisman cenzuron. Temas pri pionira verko de feminismo en epoko en kiu tio maleblis.