Singer
| Singer | ||
|---|---|---|
| ||
| ||
| negoco vd | ||
| Dum | 1851 - nekonata/nuntempe | |
| Antaŭulo | Friden, Inc. | |
| Fondintoj | Isaac Singer • Edward C. Clark vd | |
| Sidejo | La Vergne | |
| Lando | Usono | |
| Agokampo | Kudromaŝino | |
| TTT | Oficiala retejo | |
La Korporacio Singer (angle Singer Corporation) estas usona produktanto de konsumantaj kudromaŝinoj, unue establita en 1851 sub la nomo I.M. Singer & Co. fare de Isaac Merritt Singer kun la Novjorka advokato Edward Cabot Clark. La firmao estas plejparte konata pro siaj kudromaŝinoj. En 1865 ĝia nomo estis ŝanĝita al Singer Manufacturing Company kaj en 1963 al Singer Company. Ĝia oficejoj nuntempe situas en La Verne, Tenesio, proksime de Naŝvilo. Ĝia unua granda fabriko por amasproduktado estis konstruita en 1863 en Elizabeth, New Jersey [1].
Historio
[redakti | redakti fonton]
La origina dezajno de Singer estis la unua praktika kudromaŝino por ĝenerala hejma uzo. Ĝi asimilis la bazan okulpintan kudrilon kaj ŝloskudreron, evoluigitajn fare de Elias Howe, kiu gajnis patentan malobservoproceson kontraŭ Singer en 1854.
En aŭgusto 1851, Singer registris patenton numero 8294 por plibonigita kudromaŝino, kiu inkluzivis cirklan furaĝradon, fadenregilon, kaj potencon elsenditan per ilaroj [2].
Singer akumulis sufiĉe da patentoj en la kampo por permesi al li okupiĝi pri amasproduktado, kaj antaŭ 1860 lia firmao estis la plej granda kudromaŝino produktanto en la mondo. En 1885 Singer produktis ŝian unuan "vibradanto-" kudromaŝinon, plibonigon super samtempaj pinglodezajnoj. La kompanio Singer komencis surmerkatigi siajn maŝinojn en la mondo en 1855 kaj gajnis la unuan premion ĉe la Universala Ekspozicio en Parizo en 1867. En 1910, la firmao lanĉis la unuan laboreblan elektran kudromaŝinon. Singer ankaŭ estis merkatiga noviganto kaj pioniro en reklamado de la uzo de partoaĉetelektoj.
Merkatigo
[redakti | redakti fonton]
La firmao, kun la konata ruĝa S' kiel ĝia simbolo, komencis malgrandan, kun multaj patentproblemoj kaj Singer mem reklamante la novan maŝinon ĉe vilaĝaj festivaloj kaj ĉiujaraj foiroj. Tamen, 2,564 maŝinoj estis venditaj en 1856 kaj 12,000 kudromaŝinoj en 1860. La nomo estis ŝanĝita al Singer Manufacturing Company en 1865. Origine, ĉiuj fabrikoj estis en Novjorko, sed vendoficejoj en Parizo kaj Rio-de-Ĵanejro stimulas la internacian kreskon de la firmao. Por la eŭropa merkato, granda fabriko estis fondita en Kilbowie (Skotlando) [3].
Antaŭ 1876 Singer asertis akumulan vendadon de du milionoj da kudromaŝinoj kaj montris la dumilionan maŝinon en Filadelfio [4].
Frederick Gilbert Bourne (1851-1919), estis la estro de la firmao ĉirkaŭ la turno de la 20-a jarcento, igis la firmaon unu el la unuaj tutmondaj konzernoj, kun podetalbutikoj kaj riparcentroj, dum ankaŭ establante fabrikojn en aliaj landoj.
La ĉefsidejo de la firmao situis en la Singer-Konstruaĵo, dezajnita fare de Ernest Flagg. De ĝia kompletigo en 1908 ĝis 1909, ĝi estis la plej alta konstruaĵo en la mondo. La konstruaĵo estis disfaligita en 1968. Antaŭ 1961, la ĉefsidejo de la firmao jam moviĝis al La Vergne.
En 1927, la firmao lanĉis la Singer Sewing Centers, trejncentrojn tra kiuj centoj da miloj da dommastrinoj sekvis kursojn en kudroteknikoj sur Singer-ekipaĵo.
En 1973 la firmao estis listigita sur la Londono-Borso. La firmao havas 120,000 dungitojn kaj enspezojn de pli ol 2 miliardoj USD.
La kompanio ankoraŭ ekzistas kaj produktas interalie elektronikajn kudromaŝinojn. En 2006, la firmao formis SVP Worldwide, bazitan en Bermuda.
Kulturaj signifoj
[redakti | redakti fonton]
La kudromaŝino de Singer estis la unua amaso surmerkatigita kompleksa norma teknologio. Ĝi ne estis la unua kudromaŝino, kaj ĝia patentregistrado en 1851 kondukis al patentbatalo kun Elias Howe, la inventinto de la kudromaŝino. Tiu batalo poste rezultigis patentan dividan interkonsenton inter la ĉefaj firmaoj [5]. Merkatigaj strategioj inkluzivis temigi la industrion [6], seksan identecon [7], kreditprogramojn por aĉetado [8], kaj "luan aĉeton" [5].
La merkatigo de Singer emfazis la rolon de virinoj kaj ilian rilaton al la hejmo, kaj elvokis idealojn de virto, modesteco kaj diligento [9]. Kvankam la kudromaŝino reprezentis liberigon de peniga mana kudrado, ĝi estis ĉefe utiligita de virinoj por kudri por iliaj familioj kaj sin. Profesiuloj kiuj dependis de kudrado por vivteno ankoraŭ suferis de malaltaj salajroj, kiuj malpliiĝis plu responde al la tempoŝparo atingita per maŝinkudrado [5]. Singer ofertis kreditaĉetojn kaj lu-al-posedajn aranĝojn, kiuj permesis al homoj lui maŝinon kun la lupagoj aplikite al la fina aĉeto de la maŝino [5], kaj vendiĝis tutmonde uzante rektan pord-al-pordan vendadon por demonstri kaj vendi la maŝinoj [10].
Referencoj
[redakti | redakti fonton]- ↑ Cunningham, John T. (2004). Ellis Island: Immigration's Shining Center. Arcadia Publishing. (ISBN 978-0-7385-2428-3).
- ↑ "Sewing machine history". Archived from the original la 28a de marto 2010.
- ↑ Cunningham, John T. (2004). Ellis Island: Immigration's Shining Center. Arcadia Publishing. (ISBN 978-0-7385-2428-3).
- ↑ Fort Moultrie Centennial, Part II. Charleston: Walker, Evans & Cogswell. 1876. p. 29. Retrieved September 22, 2014.
- ↑ 5,0 5,1 5,2 5,3 Joan Perkin, "Sewing Machines: Liberation or Drudgery for Women?" History Today 52 (Dec. 2002).
- ↑ Andrew Godley "Selling the Sewing Machine Around the World: Singers International Marketing Strategies, 1850-1920." Enterprise and Society (June 2007) 7 281.
- ↑ Judith G. Coffin, "Credit, Consumption, and Images of Women's Desires: Selling the Sewing Machine in Late Nineteenth-Century France." Historical Studies (Spring, 1994) 18 746-750.
- ↑ Judith G. Coffin, "Credit, Consumption, and Images of Women's Desires: Selling the Sewing Machine in Late Nineteenth-Century France." Historical Studies (Spring, 1994) 18 752
- ↑ Judith G. Coffin, "Credit, Consumption, and Images of Women's Desires: Selling the Sewing Machine in Late Nineteenth-Century France." Historical Studies (Spring, 1994) 18 746-752.
- ↑ Andrew Godley "Selling the Sewing Machine Around the World: Singers International Marketing Strategies, 1850-1920." Enterprise and Society (June 2007) 7 269-281.