Starpath
| Starpath | ||
|---|---|---|
| negoco vd | ||
| Dum | 1981 - 1983 | |
| Sidejo | Livermore | |
| Lando | Usono | |
| Agokampo | Starpath Supercharger | |
| Posedata de | Epyx vd | |
Starpath estis usona firmao konata pro la kreado de la Starpath Supercharger en aŭgusto 1982. La kompanio estis fondita sub la nomo Arcadia Corporation en 1981 fare de Alan Bayley, Robert Brown, kaj Craig Nelson. Ĝi baldaŭ ŝanĝis sian nomon al Starpath pro varmarkaj kialoj, ĉar alia firmao jam publikigis videoludilon nomitan Emerson Arcadia 2001.[1][2]
Starpath Supercharger estas periferia kartoĉo-legilo por Atari 2600, kiu pligrandigas la kapablojn de la aparato aldonante pli da ĉefmemoro. Ĝi ebligis pli alt-rezoluciajn grafikojn kaj pli kompleksajn ludojn, kaj provizis konektilon por aldoni standardan kasedon, tiel permesante ŝargi pli grandajn ludojn konservitajn sur bendo.
Dum la videoluda konzola merkato kolapsis, la sorto de Starpath komencis malboniĝi. La vendo de iliaj ekzistantaj titoloj malpliiĝis akre dum la merkato estis inundita de ludoj. Vendistoj ankaŭ montris malintereson en stokado de novaj titoloj, ĉar ili ne povis vendi kion ili jam havis. Sen sufiĉa kapitalo por transiri al disvolvado por la merkato de hejmaj komputiloj, Starpath serĉis aĉetanton. Epyx akiris la kompanion en 1984.[3] Kelkaj disvolvistoj daŭre laboris ĉe Epyx post la kuniĝo kaj transiris al kreado de videoludoj por hejmaj komputilaj. Unu el la lastaj titoloj disvolvitaj ĉe Starpath, "Sweat! The Decathlon Game" por Atari 2600 ekipita de Supercharger, estis re-evoluigita por Commodore 64.[4] Renomita kiel Summer Games, ĝi fariĝis granda sukceso por Epyx, rezultigante longan sinsekvon de adaptiĝoj, daŭrigoj, kaj kromproduktoj. Scott Nelson, la disvolvisto de "Sweat!", laboris kaj pri Summer Games kaj pri ties rekta daŭrigo Summer Games II. En 2004, rajtoj pri Starpath-ludoj apartenis al Bridgestone Multimedia, religia amaskomunikila kompanio.
Referencoj
[redakti | redakti fonton]- ↑ The Dot Eaters - Epyx | The Dot Eaters
- ↑ Arcadia has a new name, 1982-11-07, Arcade Express Newsletter, Volume 1 no.7
- ↑ This week:News Brief:More games:Epyx, Page 30, InfoWorld, Jan 9-16, 1984, Epyx, ...announced it will acquire Starpath... The Starpath inventory of games and Superchargers will be closed out before the acquisition.
- ↑ Milne, Rory (July 2021). "The Evolution of Summer". Retro Gamer. No. 222. Future plc. p. 34.