Kasultanan Demak, la reĝolando aŭ sultanlando Demak, ekzistis de 1475 ĝis 1548 kaj estis la unua islama ŝtato de Javo. La lando sur la norda marbordo ekestis dum la lasta kvarono de la 15-a jarcento kaj unue estis satelita ŝtato de la imperiestro de Majapahit. La malgranda regno ekzistis nur mallonge sed ludis gravan rolon en la disvastigo de la islamo sur Javo. Estis la postsekvanto de la imperio Majapahit kaj estis kiam sultano Trenggana mortis kaj laŭvice estis anstataŭigita de la reĝolando Pajang. Kiel la plejmultaj javaj ŝtatoj la lando estis nomata laŭ la loko kie la reĝa palaco (kratono) estis konstruita, ĉi tie tio estis Demak.
