Sven Ove Hansson
| Sven Ove Hansson | |
|---|---|
| Persona informo | |
| Naskiĝo | 1-an de januaro 1951 (74-jaraĝa) |
| Lingvoj | sveda • angla |
| Ŝtataneco | Svedio 
|
| Alma mater | Universitato de Upsalo Universitato de Lund
|
| Okupo | |
| Okupo | profesoro scienca esploristo
|
| Verkoj | Science and Pseudo-Science |
| TTT | |
| Retejo | http://home.abe.kth.se/~soh/ https://www.kth.se/profile/soh |
Sven Ove Hansson, naskis la 6-an de decembro 1951 en Kävlinge[1], estas sveda filozofo kaj verkisto, profesoro pri filozofio ĉe la Reĝa Teknika Altlernejo[2]. Li publikigis proksimume 30 librojn pri filozofio de scienco kaj politika filozofio kaj pli ol 300 porfakulajn filozofiajn artikolojn ene de, inter aliaj aĵoj, decidteorio kaj diversaj branĉoj de filozofia logiko. Liaj libroj inkluzivas Vetenskap och ovetenskap ("Scienco kaj nescienco", 2003), A Textbook of Belief Dynamics ("Lernolibro pri kreddinamiko", 1999), The Structure of Values and Norms ("La Strukturo de Valoroj kaj Normoj", 2001) kaj Verktygslära för filosofer ("Ila teorio por filozofoj", 2015).
Sven Ove Hansson iĝis studento pri medicino en 1972 en Universitato de Lund, poste pri filozofio en 1981 en Universitato de Upsalo, kaj doktoriĝis pri teoria filozofio en 1991, ankaŭ en Universitato de Upsalo. Li estis nomumita lektoro la sekvan jaron. En 1999, li akiris duan doktorecon, en praktika filozofio en Lund University. Li estis dungita de la Sindikato de Fabrikaj Laboristoj 1975-1978, kaj de la Socialdemokrata Partio 1978-1983, kaj ankaŭ partoprenis ŝtatajn komisionojn. De 1985, Hansson laboris kiel plentempa esploristo. Li estas la redaktisto de la filozofia ĵurnalo Theoria kaj kunlaboras ĉe la redakcio de la Tidskrift för politisk filosofi. Li antaŭe estis vicprezidanto de la Riskkollegiet (Sveda spertula asocio pri administrado de riskoj) kaj eldonisto respondeca por ĝia novaĵletero.
Hansson estis inter 1982 kaj 1988 la unua prezidanto de la asocio Vetenskap och Folkbildnings (sveda asocio de la spektikisma movado. Li estas de 2023 redaktisto kaj respondeca eldonisto por la revuo Folkvett de la asocio[3].
En 2009, li estis elektita kiel membro n-ro 1562 de la Reĝa Akademio de Inĝenierio.
Referencoj
[redakti | redakti fonton]- ↑ Sveriges befolkning 1990, CD-ROM, Version 1.00, Riksarkivet (2011)
- ↑ https://www.kth.se/profile/soh/
- ↑ http://www.vof.se/folkvett/redaktion/