Taddeo Gaddi
| Taddeo Gaddi (1300-1366) | ||
|---|---|---|
 "La Anĝela Anonco al la Paŝtistoj" (1332-38). Fresko, Kapelo Baroncelli, Santa Croce, Florenco.
| ||
| Persona informo | ||
| Naskiĝo | 1300 en Florenco, Italio | |
| Morto | 1366 en Florenco, Italio | |
| Familio | ||
| Patro | Gaddo Gaddi  vd
| |
| Infanoj | Agnolo Gaddi, Niccolò Gaddi (en)  , Giovanni Gaddi vd
| |
| Profesio | ||
| Okupo | pentristo arkitekto vd
| |
| Aktiva dum | 1340–1366 vd | |
| Verkado | ||
| Verkoj | Madonna of Humility (Madonna dell'Umiltà) ❦ Four-sided lobed medallion of crucifixion from the sacristy of Santa Croce ❦ Madonna and Child Enthroned with Angels and Saints ❦ Baroncelli Chapel vd | |
| vd | Fonto: Vikidatumoj | |
Taddeo Gaddi estis lernanto de Giotto kaj unu el la plej kreivaj kaj influaj pentristoj en la Renesanca Italio. Akorde kun Cennini, Taddeo restis 24 jarojn kun Giotto. Kvankam oni ne povas akurate mezuri la asocio-periodon, probable ĝi finiĝis nur kun la morto de la lasta en 1337. Taddeo probable okupis ankoraŭ nedifineblan sed sendube gravan pozicion en la oficejo de Giotto dum la lastaj okupitaj jaroj de sia majstro, tamen tia respondeco ne malpermesis al li krei siajn proprajn laboraĵojn ĉirkaŭ 1320.[1] Kiel arkitekto, Taddeo Gaddi verŝajne projektis la Malnovan Ponton en Florenco.
Biografio
[redakti | redakti fonton]Taddeo Gaddi estis filo de Gaddo Gaddi (1239-1312) kiu kompletigis la mozaikojn en la fasado de la Preĝejo Santa Maria Maggiore, en Romo. Li havis du filojn ambaŭ pentristoj, Agnolo Gaddi (1350-1396) kaj Giovanni Gaddi (post 1333-1383). Taddeo estis baptofilo de Giotto, vivis kun li 24 jarojn kaj iĝis la plej eminenta el liaj sennombraj lernantoj. Vasari diras ke Gaddi "transpasas sian majstron en la koloroj", kaj en kelkaj laboraĵoj, "eĉ en esprimoj".
Du pentraĵoj subskribitaj de li ankoraŭ ekzistas - unu en Berlino, datita je 1333, kaj alia en la preĝejo de Mogognano, datita je 1355. La plej bona el liaj pluekzistantaj freskoj estas tiuj en la Kapelo Giugni, antaŭe apartenanta al la familio Baroncelli, en la Preĝejo de Santa Croce, sed liaj plej vastaj verkoj, en la preĝejoj de San Spirito kaj la Serviti, ĉiuj malaperis.
Multaj el liaj freskoj kaj pluraj el liaj plej famaj retabloj tute malaperis. Lia ĉefa verko estas en Florenco, sed li ankaŭ efektivigis plurajn ekzemplojn en Areco kaj en la Casentino.
Eble li estas plej konata pro tio, ke li estis eminenta arkitekto, kaj projektis la nunan Ponte Vecchio en Florenco, kaj ankaŭ sub la rivero ankoraŭ pli bonan ponton (Ponte Trinità), kiu estis detruita en la 16-a jarcento. Li estis tre sukcesa, kaj amasigis grandan riĉecon.[2]
Literaturo
[redakti | redakti fonton]Vidu ankaŭ
[redakti | redakti fonton]- Gaddo Gaddi (1260-1332)
- Giotto di Bondone (1267-1337)
- Giovanni Gaddi (1333-1383)
- Maso di Banco (aktiva inter 1335-1350)
- Agnolo Gaddi (1350-1396)
- Cristoforo Landino (1424-1398)
- Giovanni Battista Cecchi (1748-1815)