Tang ping
Tang ping (ĉine: 躺平; laŭlitera traduko: kuŝi plata) estas ĉina slanga neologismo, kiu priskribas personan rifuzon de sociaj premoj, ekzemple la 996-laborhora sistemo, kiu ofte estas rigardata kiel rata vetkuro kun ĉiam pli malpliiĝintaj rezultoj.[1][2] Tang ping signifas elekti "kuŝi plata kaj elporti la batojn" per pli indiferenta sinteno al vivo.
Tiuj, kiuj elektas "kuŝi plata", eble malaltigas sian profesian partoprenemon kaj ekonomiajn ambiciojn, simpligas siajn celojn, sed tamen restas ekonomie produktivaj por siaj bazaj bezonoj. Ili preferas psikan sanon al ekonomia materialismo.[3][4]
Alia rilata frazo estas "bai lan" (ĉine: 摆烂; pinjine: bǎi làn; laŭlitera traduko: lasu ĝin putri), kiu signifas akcepti malboniĝantan situacion anstataŭ provi ŝanĝi ĝin. Ĝi rilatas al memvola rezigno de celoj, pri kiuj oni scias, ke ili estas tro malfacile atingeblaj.[5]
- ↑ China's new 'tang ping' trend aims to highlight pressures of work culture. BBC (la 3-an de junio 2021).
- ↑ China's youth are lying flat: the fear is, so might their futures. South China Morning Post (la 14-an de junio 2021).
- ↑ Zhang, Wanqing, kaj Liu Mengqiu (2021-05-27) Tired of Running in Place, Young Chinese 'Lie Down'. Sixth Tone. Alirita 2021-07-15.
- ↑ Dolan, Eric W. (2023-06-19) Young adults who embrace 'lying flatism' also tend to see romantic relationships as unnecessary for happiness (en-US). Alirita 2023-06-23.
- ↑ "The rise of 'bai lan': why China's frustrated youth are ready to 'let it rot'" The Guardian. 2022.