Torricella-Taverne

Torricella-Taverne
	Blazono de Torricella-Taverne
	Blazono de Torricella-Taverne
	Stacidomo Taverne-Torricella
	Stacidomo Taverne-Torricella
Kantono	Tiĉino
Distrikto	Lugano
Komunumaro	Taverne
Koordinatoj	46° 4′ 0″ N 8° 55′ 0″ O / 46.06667 °N, 8.91667 °O (mapo)Koordinatoj: 46° 4′ 0″ N 8° 55′ 0″ O / 46.06667 °N, 8.91667 °O (mapo)
Nombro de loĝantoj	3034
Areo	5,24 km²
Alteco	427 m super marnivelo
Poŝtkodo	6808
Komunumkodo	5227
	Mapo de Torricella-Taverne
	Mapo de Torricella-Taverne

Por samtitola artikolo vidu la paĝon Taverne-Torricella (stacidomo).

Torricella-Taverne estas komunumo kaj ĉefloko de la Komunumaro Taverne en la Distrikto Lugano en Kantono Tiĉino, Svislando. Ĝi havis 3034 loĝantojn je la 31-a de decembro 2011.

Geografio

Torricella-Taverne situas sude de la montopasejo Monte Ceneri, proksimume 5 kilometrojn nordokcidente de la urbo Lugano, al kies aglomeraĵo ĝi apartenas. Tra la komunumo fluas la rivereto Vedeggio, kiu alfluas apud Agno al la Lago de Lugano. La komunumo konsistas el la partoj Taverne, Taverne superiore, Taverne inferiore, Il Motto kaj Torricella.^[1]

La teritorio de la komunumo etendiĝas sur areo de 5,24 km², de kiuj 69,4% estas kovritaj de arbaro, 8,8% servas por agrikulturo kaj 20,0% por setlado. ^[2]

Najbaraj komunumoj

La komunumo Torricella-Taverne limas en nordo al Monteceneri, en oriento al Ponte Capriasca kaj Origlio, en sudo al Lamone kaj Bedano, kaj en okcidento al Alto Malcantone.

Trafiko

Tra Torricella-Taverne pasas la kantanona ĉefvojo n-ro 2 kaj la svisa aŭtovojo A2, kies plej proksima alveturejo Lugano-Nordo situas proksimume 3 kilometrojn sude de la komunumo. Pere de stacidomo ĉe la trajnlinio de Svisaj Federaciaj Fervojoj de Belinzono al Lugano la komunumo estas konektita al la publika transportreto.

Historio

La unua dokumenta mencio de Torricella datiĝas el la jaro 1254 kiel Torexella. En la jaro 1437 aperas la mencio Tabernas de Torexella. El dokumentoj de la jaro 1354 eblas konkludi, ke tiam en Torricella-Taverne ekzistas fortikaj instalaĵoj, kiuj verŝajne sekurigis la sudan limon de la reĝolando Agnuzzo. Sur monteto iam staris burgo, ke kiu konserviĝis turo kaj restaĵoj de ringomuro. Dum la militoj de la Helveta Revolucio en Torricella Taverne staciiĝis en la jaro 1799 la trupoj de la rusa Generalo Aleksandr Suvorov kaj la komunumo estis loko de bataleto inter la trupoj de Suvorov kaj Napoleono.^[3]