Tiananmen-Incidento en 1976
La Tiananmen-Incidento en 1976 aŭ la Tiananmen-Incidento de la 5-a de aprilo (ĉine: 四五天安门事件) estis amasa kunveno kaj protesto, kiu okazis la 4-an kaj 5-an de aprilo 1976 sur la placo Tiananmen en Pekino, Ĉinio. La incidento okazis en la tradicia tago de funebro, Festivalo Qingming, post la nankina incidento, kaj estis provokita de la morto de Ĉefministro Zhou Enlai pli frue tiujare. Funebrantoj komencis kolektiĝi sur la placo por protesti kontraŭ la centraj aŭtoritatoj, tiam ĉefe sub la aŭspicioj de la Bando de la Kvar, kiu ordonis subpremi la protestojn kaj purigi la placon.
La evento estis tuj rigardita kiel "kontraŭrevolucia" movado fare de la Centra Komitato de la Ĉina Komunista Partio, kaj Deng Xiaoping estis akuzita pri planado de la evento. La decido de la Centra Komitato pri la evento estis inversigita post la fino de la Kultura Revolucio, kaj ĝi estis oficiale laŭdata pro montro de patriotismo.