Tibor Toncz

Tibor Toncz
Persona informo
Naskonomo	Toncz Tibor László
Naskiĝo	26-an de septembro 1905 (1905-09-26) en Budapeŝto
Morto	9-an de novembro 1979 (1979-11-09) (74-jaraĝa) en Budapeŝto
Tombo	Tombejo Farkasrét, 18-1-87
Lingvoj	hungara
Ŝtataneco	Hungario
Okupo
Okupo	pentristo grafikartisto karikaturisto grafikisto ilustristo

Tibor Toncz [tonc], laŭ hungarlingve kutima nomordo Toncz Tibor estis hungara karikaturisto, afiŝisto, ilustristo.

Tibor Toncz naskiĝis la 26-an de septembro 1905 en Budapeŝto, li mortis la 9-an de novembro 1979 en Budapeŝto.

Biografio

Tibor Toncz studis pentradon en Kolozsvár, poste desegnadon en Reĝa Industriarta Lernejo de Budapeŝto. Post siaj studoj li ilustris librojn, desegnis reklamojn, tamen liaj karikaturoj faris lin tutlande konataj. Li laboris al pluraj konataj gazetoj (Vasárnapi Újság (1935–1939), Tolnai Világlapja (1925-1944), Ludas Matyi (1948-), Népszava (1958)). En la jardeko de 1940 li desegnis multajn teatrajn afiŝojn kaj li ankaŭ estis teatra dekoraciisto. En 1945 li ankaŭ desegnis politikajn afiŝojn. En la 1950-aj jaroj Toncz desegnis plejparte turismajn afiŝojn. En 1956 li studvojaĝis al Ĉinio. Li ricevis 3 premiojn en la jaroj 1955 kaj 1956.

Liaj libroj

• Hat hét Kínában (1956)
• A békéért (1959)
• Paprika (1959)

Elektitaj ilustraĵoj

• Ha felszáll a köd (1958)
• A Földrengések szigete (1958)
• A Ceresz fogjai
• Zsebek és emberek

Fontoj

• hungarlingva biografio Arkivigite je 2018-09-10 per la retarkivo Wayback Machine
• hungarlingva biografio
• anglalingva biografio