Tiko (ŝtofo)
Tiko estas fortika teksaĵo, farita el kotono aŭ lino.[1]:161
Priskribo
[redakti | redakti fonton]Tiko estas ordinare farita el fortikaj plantaj fibroj kiel kotono aŭ lino. Ĝi estas tre dense kaj strikte teksita — la spacoj inter la fibroj estas mallarĝega. La strukturo estas fortika kaj rezistas ŝiron kaj eluziĝon.
Tiko ofte havas striajn kolorojn en malhelaj koloroj kiel bruno, grizo, aŭ bluo, super blanka aŭ nekolorigita fono; tamen, oni ankaŭ trovas blankan aŭ simple nekolorigitan tikon.
Uzoj
[redakti | redakti fonton]Tiko estas tradicie uzata por ĉirkaŭkovri matracon kaj kusenon. La fortikeco kaj denseco de tiko malhelpas eliĝon de la plumojn en la matraco aŭ kuseno. Hodiaŭ, tiko estas ankaŭ uzata por stebaĵoj, aliaj litaĵoj,[2]:497, kurtenoj, tablotukoj, ktp.
Etimologio
[redakti | redakti fonton]La Esperanta vorto tiko devenas de la samsignifaj angla tick(ing) kaj nederlanda tijk, kiuj devenas tra la latina thēca “kovrilo, koverto” de la greka θήκη “ujo, kesto, skatolo”.[3]
Referencoj
[redakti | redakti fonton]- ↑ Operath, Larry. (2006) Textile (angle). ISBN 978-818909362-4.
- ↑ Shaeffer, Claire. (2008) Claire Shaeffer’s Fabric Sewing Guide (angle). ISBN 978-089689536-2.
- ↑ tick, n. 2 (angle). Oxford English Dictionary.