Transporta ponto de Rochefort

Transporta ponto de Rochefort
Pendanta ponto
Situo
Lando	Francio
Regiono	Puatuo-Ĉarentoj
Departemento	Charente-Maritime
Komunumoj	Rochefort, Échillais
Koordinatoj	45° 54′ 58″ N, 0° 57′ 39″ U (mapo)45.91611-0.96082999999999
Transiras	Charente
Ecoj
Tipo	Transporta ponto
Longo	175 m
Larĝo	8 m
Alto	50 m
Materialo	Ŝtalo, betono
Konstruado
Datoj de konstruo	1898–1900
Inaŭguro	29-a de julio 1900
Mapo
Geografia lokigo sur la mapo : Charente-Maritime Transporta ponto de Rochefort (Charente-Maritime) DEC Transporta ponto de Rochefort Geografia lokigo sur la mapo : Francio Transporta ponto de Rochefort (Francio) DEC Transporta ponto de Rochefort

La transporta ponto de Rochefort (france pont transbordeur de Rochefort) aŭ transporta ponto de Martrou estas la lasta transporta ponto en Francio. Ĝi estis inaŭgurita en 1900 kaj deklarita historia monumento en 1976.

Priskribo

La movebla platformo de la ponto

La transporta ponto de Rochefort ebligas transiri la riveron Charente inter Rochefort kaj Échillais, en la sudokcidento de la lando.

Ĝi konsistas el kvar ŝtalaj pilonoj 66,25 m altaj, starantaj duope en ambaŭ bordoj. Ili portas 175 m longan platformon, 50 m super akvo. Movebla platformo pendanta de la supra platformo portas vojaĝantojn de unu bordo al la alia. La transirado daŭras proksimume 4 minutojn kaj duonon.

Historio

La ponto vidata de la suda bordo

Konstruado de la transporta ponto de Rochefort komenciĝis en la jaro 1898. Ĝi estis inaŭgurita 27 monatojn poste, la 29-an de julio 1900.

Ĝi ĉesis funkcii en 1967, anstataŭite de levponto. Ekde 1990, ĝi estis renovigata, kaj ĝi malfermiĝis denove en 1994 por piedirantoj kaj biciklistoj. Motoraj veturiloj transiras Charente per la ponto de Martrou.

Vidu ankaŭ

• Ponto Martrou

Eksteraj ligiloj

• Oficiala retejo
• Transporta ponto de Rochefort ĉe "Structurae"