Ukraina Ortodoksa Eklezio (Moskva Patriarkeco)
| Ukraina Ortodoksa Eklezio (Moskva Patriarkeco) | ||
|---|---|---|
| ||
| Monaĥejo de la Grotoj de Kievo | ||
| Geografiaj lokoj | Ukrainio | |
| Nombro de membroj | 13,3 % de la ukrainanoj (laŭ stato de 2016) | |
| Oficiala retpaĝaro | oficiala retejo | |
La Ukraina Ortodoksa Eklezio (ukraine Українська Православна Церква, Ukrains'ka Pravoslavna Cerkva, ruse Украинская Православная Церковь, Ukrainskaja Pravoslavnaja Cerkov), antaŭ majo de 2022 ofte nomata la Ukraina Ortodoksa Eklezio de la Moskva Patriarkeco (ruse Украинская православная церковь Московского патриархата) estas unu el la du ĉefaj orientaj ortodoksaj eklezioj en moderna Ukrainio, apud la Ukraina Ortodoksa Eklezio. Ĝi estis ĝis majo 2022 parto de la Rusa Ortodoksa Eklezio; tamen, la Ekumena Patriarkato, la plej alta el ĉiuj ortodoksaj oklezioj kaj la patrina eklezio por la historia rusia eklezio, pridisputas la laŭleĝecon de la eklezia jurisdikcio de la Rusa Ortodoksa Eklezio super Ukrainio, kiu en la moderna epoko datiĝas de 1686. La nuna statuto de la Rusa Ortodoksa Eklezio difinas ĝin kiel "memreganta [eklezio] kun la rajtoj de ampleksa aŭtonomeco". La statuso de Ukraina Ortodoksa Eklezio ene de la Moskva Patriarkeco signifas, ke ĝi ĝuas plenan administran sendependecon de la Sankta Sinodo de la Rusa Ortodoksa Eklezio, dum kiu la patriarko de Kievo, la ĉefa postenulo de la Ukraina Ortodoksa Eklezio, estas gvida daŭra membro de la Sankta Sinodo de la Rusa Ortodoksa Eklezio kaj tiel signife kundecidas pri la cetero de la Rusa Ortodoksa Eklezio, inkluzive de ĝia ekonomia funkciado en la Rusa Federacio. Li havas sian rezidejon en la Monaĥejo de la Grotoj de Kievo.
Aktualaj eventoj
[redakti | redakti fonton]- La 11-an de oktobro 2018, la Sankta Sinodo de la Konstantinopola Ortodoksa Eklezio nuligis tomoson (eklezian decidon) pri subiĝo de la Ukraina Ortodoksa Eklezio al la Rusa Ortodoksa Eklezio.
Pli detale ĉe Vikinovaĵoj. - Sekve al tio, la 15-an de oktobro 2018 la Sankta Sinodo de la Rusa Ortodoksa Eklezio decidis ĉesigi plenan komunion kun la Konstantinopola Ortodoksa Eklezio, akuzinte tiun pri invado en sian kanonan teritorion. Pli detale ĉe Vikinovaĵoj.
- La 27-an de majo 2022, la eklezio deklaris sian sendependecon disde la Moskva Patriarkeco[1], sekve al la invado de Rusio en Ukrainion (2022) kaj la subteno de tiu invado fare de la rusia patriarko Cirilo la 1-a.
