Un Éléphant ça trompe énormément (filmo)

Elefanto tio trompas enorme
filmo
Originala titolo	Un Éléphant ça trompe énormément
Produktadlando	Francio
Originala lingvo	franca
Kina aperdato	22-a de septembro 1976 (Francio)
Daŭro	110 minutoj
Ĝenro	komedio
Kameraado	René Mathelin
Reĝisoro(j)	Yves Robert
Produktisto(j)	Yves Robert por la Guéville kaj Alain Poiré por Gaumont
Scenaro	Jean-Loup Dabadie kaj Yves Robert
Loko de rakonto	Parizo
Muziko de	Vladimir Cosma
Produktinta firmao	Les Productions de la Guéville
	v • d • r

Un Éléphant ça trompe énormément (Elefanto tio trompas enorme - franca vortludo: "trompe" signifas "trompas" kaj "rostro") estas franca filmo de Yves Robert, aperinta en 1976.

Yves Robert aldonis daŭrigon la sekvantan jaron: Nous irons tous au paradis.

En 1984, Gene Wilder faris refaron titolitan The Woman in Red.

Temo

Etienne (Jean Rochefort), kvardekkelk-jara, edziĝinta al Marthe, fidela edzo, feliĉa patro, ekenamiĝas al Charlotte (Anny Duperey), juna virino, apenaŭ pretervidita, ruĝe vestita. Li kutime ludas tenison kun siaj tri plej bonaj amikoj, Simon, Daniel kaj Bouly. Simon (Guy Bedos) estas kuracisto, konstante sufokata de la entrudiĝoj de sia patrino (Marthe Villalonga) en sian vivon, ŝi estas karikaturo de "nigrapieda" patrino. Daniel (Claude Brasseur), ne sukcesas pli longe kaŝi sian samseksemon al siaj amikoj. Bouly (Victor Lanoux), senpripenta amindumanto, defalas kiam li malkovras, ke lia edzino forlasis komunan loĝejon kun mebloj kaj infanoj. Kvankam malestima al petolantoj, Étienne finfine ne rezistas al la ĉarmoj de la bela nekonatulino, sed tiu ĉi rapide komprenigas al li, ke temas pri senestonta aventuro.

La filmo estas plejparte komentata de ekstera voĉo de Jean Rochefort, kaj la kontrasto inter tio kion li (avantaĝe) prezentas kaj la spektata realo konsistigas komikan risorton de la filmo.